Անտեսվել է Դատախազության որոշումը․ վճռով պաշտոնազրկված Վաղաշենի համայնքապետը շարունակում է պաշտոնավարել ու չարաշահել իր դիրքը․ ահազանգ
Արդեն 3 տարի NEWSPRESS.am-ն անդրադառնում է Գեղարքունիքի մարզի Վաղաշեն համայնքի գյուղապետ Արթուր Սուվարյանի չարաշահումներին, սակայն մինչ օրս սայլը տեղից չի շարժվել։
Դեռևս 2018 թվականի հուլիսին, խմբագրություն էին դիմել Վաղաշենի մի խումբ բնակիչներ և հայտնել, որ գյուղապետը մսխում է համայնքին հատկացվող գումարները։
Մեզ հետ զրույցում գյուղապետարանի արդեն նախկին աշխատակից Պարգև Ալեքսանյանը հայտնե էր, որ գյուղն ունի ոռոգման խնդիր։
Հարկ է նկատե, որ Վաղաշենում և հարևան համայնքներում տարիների ընթացքում ջրագծեր են անցկացվել։ Սակայն, զարմանալի զուգադիպությամբ, պարզեցվում է, որ ընթացակարգով մրցույթներում պարբերաբար հաղթող է ճանաչվել «Սուվարյան շին» ՍՊԸ-ն, որի տնօրենն է Գրիշա Սուվարյանը՝ գյուղաետի հայրը։
Հաղթելը՝ հաղթել է, բայց գյուղացիների հողերը երբեք այդպես էլ պատշաճ չեն ոռոգվել։
Պարգև Ալեքսանյանը մեզ հետ զրույցում, նդում էր, որ ունի էի շատ այ փաստեր, որոնք ապացուցում են գյուղապետի չարաշահումները։
Դեռ այն ժամանակ, NEWSRESS.am-ը զրուցել էր նաև գյուղապետ Արթուր Սուվարյանի հետ։ Վերջինս նկատե էր, որ այդ ամենն իր մասին արախոսություններ են և զրարտություն։
«Ուզում են գյուղապետ դառնան»,-ասասց նա։
Սակայն 2018 թվականի հուլիսին տեղի ունեցած այս զրույցից հետո, արդեն նույն թվականի օգոստոսին ոստիկանության ԿՀԴՊ ԳՎ կոռուպցիայի և տնտեսական գործունեության դեմ ուղղված հանցագործությունների հակազդման վարչությունը հաղորդագրություն տարածեց, որ Վաղաշեն համայնքի ղեկավարը Ա․Սուվարյանը պաշտոնավարման ընթացում չարաշահումներ է թույլ տվել․․․
Դրանից 2 տարի անց, 2020 թվականին արդեն, ՀՀ դատախազությունից տեղեկացրեցին, թե Գեղարքունիքի մարզի Վաղաշեն համայնքի ղեկավարը կդադարեցնի պաշտոնավարումը․․․
Որպես լրացուցիչ պատիժ՝ դատավճիռ է կայացվել նաև, որ Արթուր Սուվարյանը 2 տարի ժամկետով զրկվում է պետական և տեղական ինքնակառավարման մարմիններում, կազմակերպություններում նյութական պատասխանատու և ղեկավար պաշտոններ զբաղեցնելու իրավունքից:
Վճիռը՝ վճռով, բայց այսօր Արթուր Սուվարյանը կախարդական փայտիկի հրաշքով շարունակում է պաշտոնավարել ու նոր չարաշահումներ անել։
Համենայնդեպս, օրերս մեր խմբագրություը հերթական ահազանգն ստացավ այդ մասին։ Պարգև Ալեքսանյանը վստահեցնում է, որ Սուվարյանը, իր իսկ խոսքով, «կաշառել է դատարանին» ու շարունակում է պաշտոնավարել։
Ասել է թե՝ դատախազության նշած 2 տարվա պատիժը գործնականում չի իրականացվել։ Այս պարագայում արդեն կասկածի տակ է դրվում, թե արդյոք ընդհանրապես նրա նկատմամբ որևէ տույժ ու տուգանք կիրառվե՞լ , թե՞ ոչ։
Պարգև Ալեքսանյանը, մի քանի համագյուղացիների հետ դիմել է վարչապետին՝ խնդիրը ներկայացնելու համար, սակայն այնտեղից գործը նորից ուղարկվել է դատախազություն և շղթայի նման այն հետ է գնացել։
Ու մինչ Սուվարյանի գործը կառուսելի նման շարունակում է պտտվել, ինքը՝ Սուվարյանը շարունակում է պաշտոնավարել ու չարաշահել իր դիրքը։
Արմինե Մկրտումյան