Բայդենը նշել է, որ հրադադարը Գազայում կարող է կնքվել մարտի 4-ին
Միացյալ Նահանգների նախագահ Ջո Բայդենը հույս է հայտնել, որ մինչև մարտի 4-ը Գազայի հատվածում հրադադարի շուրջ համաձայնություն կստացվի։ Այս մասին հայտնում է РИА Новости-ն՝ հղում կատարելով Սպիտակ տանը:
Բայդենն ասել է, որ իր ազգային անվտանգության հարցերով խորհրդական Ջեյք Սալիվանը զեկուցել է, որ Գազայի հատվածում խաղաղությունը մոտ է: Ուստի ԱՄՆ նախագահն ասել է, որ հույս ունի հրադադարի հասնել մինչև հաջորդ երկուշաբթի՝ մարտի 4-ը։
Ավելի վաղ հաղորդվել էր, որ իսրայելական ավիացիան ինտենսիվ ռմբակոծել է Գազայի հատվածի մի շարք պաղեստինյան քաղաքներ, այդ թվում՝ Ռաֆահը, որը գտնվում է Եգիպտոսի հետ սահմանին։
Մինչ այս հաղորդվում էր, որ իսրայելական իշխանությունները պաղեստինցիներին թույլ կտան լքել Ռաֆահ քաղաքը և տեղափոխվել Գազայի հատվածի հարավային այլ շրջաններ մինչև ռազմական գործողության մեկնարկը։