Պետությու՛ն, ուր ես, ահազանգ. Աբրահամ Գասպարյան (լուսանկարներ, տեսանյութ)
Լարսում 48 ժամ է՝ 4 կմ երկարությամբ մեքենաների խցանում է: Մեր հարյուրավոր հայրենակիցներ մնացել են դրսում: Այս մասին ֆեյսբուքյան իր էջում գրել է լրագրող, քաղաքագետ Աբրահամ Գասպարյանը
«Ռուսական կողմից ասում են՝ առաջիկա 6-8 օրվա ընթացքում բացառվում է ճանապարհի բացումը՝ շինաշխատանքներ են ընթանում:
Եղանակն անբարենպաստ է, քաղցած են, գիշերում են մեքենաների մեջ, տարրական հիգիենիկ պայմանները բացակայում են, մի կերպ գլխների ճարն են տեսնում: ՌԴ-ում մեր դեսպանության ու հյուպատոսարանի հեռախոսահամարներին ոչ ոք չի պատասխանում: Ամենամոտ քաղաքը՝ Վլադիկավկազն է: Եթե ունեք ծանոթներ այդտեղ, հորդորեք թող սնունդ ու տաք շորեր հասցնեն մեր հայրենակիցներին»: