«Ավելի պայթյունավտանգ փաստաթուղթ է ստորագրվելու». Մետաքսե Հակոբյան
«Պատերազմից մեկ տարի անց ունենք ավելի ծանր իրավիճակ, քան ունեինք մեկ տարի առաջ այս օրը, որովհետև երբ պայթեց առաջին ականը, մենք մտածում էինք, որ, ի վերջո, խաղաղության վերջին փամփուշտը պետք է մեր զինվորը կրակի, և դրանով հաստատվի խաղաղություն, այսինքն՝ մենք միանշանակ պետք է հաղթենք պատերազմում: Դա ավելի շատ խաղաղության սպասում էր, քան արհավիրքի»,- 168.am-ի հետ զրույցում ասաց Արցախի Հանրապետության ԱԺ «Արդարություն» խմբակցության պատգամավոր Մետաքսե Հակոբյանը՝ ընդգծելով՝ մեր զինվորը, մեր ազգը շատ ծանր ձևով դավաճանվեց:
«Ամենաանտանելին այն է, որ այս մի տարվա ընթացքում գոնե վեր հանվեին պատերազմի իրական պատճառները, բացահայտվեին մեղավորները, ինչ-որ մարդիկ իրենց վրա պատասխանատվություն վերցնեին, դրա փոխարեն՝ շատ հաջողված ձևով այդ պարտությունը բարդեցին զոհվածի մոր ուսերին, մեր զինվորի և, ընդհանրապես, ազգի ուսերին, և իրենք իրենց օրակարգով շարունակեցին կառավարել: