Հայտնի է Փաշինյան-Ալիեւ հանդիպման ամբողջական օրակարգը
«Информационный центр повышения политико-правовой культуры» տելեգրամային ալիքում՝ @Tzhvzhik-ում, հրապարակվել է Փաշինյան-Ալիեւ հանդիպման ամբողջական օրակարգը: Այն վերաբերում է Ղարաբաղից զորքերի դուրսբերմանը, Հայաստանում 16 բնակավայրերի հանձնմանը, Մեղրիի միջոցով Ադրբեջանին միջանցքի տրամադրմանը:
Այսպիսով՝ ըստ նույն աղբյուրի, հունվարի 11-ին կայանալիք հանդիպմանը.
1. Ալիեւը Փաշինյանից կպահանջի համաձայնվել լուծարել ԵԱՀԿ Մինսկի խումբը: Այս խմբի փոխարեն կստեղծվի եռակողմ կամ քառակողմ բանակցությունների ձևաչափ:
2. Ալիևը կպահանջի, որ Փաշինյանը այլևս չբարձրացնի Լեռնային Ղարաբաղի կարգավիճակի հարցը, քանի որ Ադրբեջանն արդեն լուծել է այդ հարցը, և առավելագույնը, որի վրա հայերը կարող են հույս դնել, Ադրբեջանի ներսում մշակութային ինքնավարություն է, որտեղ ԼՂ-ն անգամ չունի անկախ կարգավիճակ:
3. Ալիեւը Փաշինյանից պահանջելու է դադարեցնել պաշտոնական այցերը Հայաստանից Ղարաբաղ: Ըստ Ալիեւի, այդ բոլոր այցերը պետք է կատարվեն միայն պաշտոնական Բաքվի հետ համաձայնեցվելուց: Առանց Ադրբեջանի թույլտվության կարող են իրականացվել միայն մասնավոր, ինչպես նաև մարդասիրական այցերը:
4. Հայաստանի և Ադրբեջանի սահմանագիծը գործընթացում պաշտոնական Երևանը պետք է 16 գյուղեր զիջի Ադրբեջանին, և այդ գործընթացը պետք է օրենսդրորեն ամրագրվի հունվարի 11-ին ստորագրվելիք հատուկ համաձայնագրով: Սահմանների սահմանազատման և գծանշման հարցերը կլուծվեն հետագայում` համատեղ հանձնաժողովի աշխատանքի ընթացքում:
5. Զորակոչ չպետք է իրականացվի Լեռնային Ղարաբաղում, Լեռնային Ղարաբաղը չպետք է ունենա բանակ, Լեռնային Ղարաբաղում կարող են լինել միայն ոստիկանական ուժեր, ինչպես նաև ժամանակավորապես կարող է լինել «ազգային գվարդիա», որը հետագայում, 5-10 տարի անց, պետք է լուծարվի: Քանի որ Լեռնային Ղարաբաղը չպետք է որևէ կարգավիճակ ունենա Ադրբեջանի կազմում:
6. Հայաստանը պետք է բացի Ադրբեջանի և Նախիջևանի միջև հաղորդակցման ուղիները և այդ ուղիները պետք է վերահսկվեն ռուս խաղաղապահների կողմից, այնպես ինչպես իրականացվում է Հայաստանը և Ղարաբաղը կապող Լաչինի միջանցքի դեպքում:
7. Ալիևը կպահանջի դադարեցնել «ռևանշիստական ուժերի» գործունեությունը և «ռևանշիստական քարոզչությունը» Հայաստանում, որպեսզի երկու երկրների միջև վստահության մթնոլորտ ստեղծվի:
8. Ալիևը պահանջելու է, որ բոլոր այն գերիները, ովքեր գերի են ընկել նոյեմբերի 9-ից հետո, չպետք է ունենան ռազմագերիների կարգավիճակ և որպես ռազմական դիվերսանտներ պետք է դատապարտվեն Բաքվի դատարանի կողմից:
Աղբյուր՝ «Информационный центр повышения политико-правовой культуры»
@Tzhvzhik