Փաշինյանը մոդելավորեց բոլորին, բացի իրենից քցվածներին
Վարչապետ Նիկոլ Փաշինյանը տարել-բերել ու որոշել է երեկվա ուղիղ եթերից հետո մի հատ էլ մոդելավորել իր իշխանությունից հիասթափվածներին:
Պարզվում է, որ Փաշինյանի իշխանությունից հիասթափվել են կոռուպցիոներները, քաղաքական ուժերը, որոնք տասը տարվա համար պլաններ ունեին գծած ու հիմա ամեն ինչ փլուզված է, քաղաքական ընդդիմադիր ուժերը, որոնք էլ հիասթափվել են քանի որ հեղափոխությունը եկել ու ջնջել է իրենց ասելիքը:
Վարչապետը հիասթափվածներին շարքին դասեց նաև արևմտամետերին, ռուսամետերին, սփյուռքում ապրողներին, արտախորհդարանական ուժերին ու եկեղեցուն, անգամ իր բարեկամներին ու այսպես բոլորին՝ բացի իրեն քվե տված ու այսօր երկու ձեռքով գլխին խփող միամիտ քաղաքացուց, որը հավատաց, թե Փաշինյանը հեծանիվով է աշխատանքի գնալու և ոչ թե 9 մեքենայով, հավատաց, որ 2 միլիոն դոլար չի հատկացննի շքեղ առանձնատունը վերանորոգելու համար, հավատաց, որ նախարարների աշխատավարձերը 1.5 միլիոն չի դարձնի առանց իրենց կամքը հաշվի անելու, հավատաց, որ նախարարները 500 հազար դրամով էլ կկարողանան աշխատել, հավատաց, որ Մարտի 1-ի 10 զոհերի սպանությունների հեղինակները կբացահայտվեն ու կպատժվեն:
Այսպես հավատաց շատ ու շատ բաների ու կանգնեց կոտրած տաշտակի առաջ: Ի՞նչ ունի հավատով լցված այդ քաղաքացին, երբ տեսնում է միայն աղքատությունը գլխում հաղթահարած վարչապետ ու աշխատանքի գնալու և օրվա պլյուսը ստացող նախարարներ, ունի լեգիտիմ իրավունք դա թույլ չտալու, իսկ կգնա՞ դրան թե ոչ, կախված է Փաշինյանի լայվերի թողած ազդեցությունից:
Իսկ ինչո՞ւ Փաշինյանը չի մոդելավորել պողոսներին, ՀՀ հպարտ քաղաքացիներին, մի՞թե կարծում է, որ նրանց իր լայվերով այլևս կերակրելով կարողանալու է իշխանություն պահել.
Գուցե այդ մասին Նիկոլին իր վարկանիշի մասին անընդհատ հայտարարող սոցիոլոգներն են հուշել, սակայն այսօրվա լայվը ևս ցույց տվեց, որ չկա վարկանիշ:
Հեռու ենք այն մտքից, որ վարչապետը չի կարողանում հետևել պարզ թվաբանությանը և տեսնել, որ եթե նախկինում նայում էին իր եթերները 30 հազար հպարտ քաղաքացիներ, հիմա նայում է ընդամենը 9 հազարը, հետևաբար կա հետևություններ անելու խիստ անհրաժեշտություն: Իհարկե կա, ու որքան շուտ այնքան լավ, հակառակ դեպքում չի բացառվում, որ նրա նրա հաջորդ լայվի սպառողը լինի միայն Իմ քայլը, իսկ մինչ այդ Փաշինյանին կոչ ենք անում իր մոդելավորած գրաֆիկում ավելացնել նաև իրենից քցվածներին: