Բաց նամակ գլխավոր դատախազին՝ խնդրահարույց տարիքային խմբերի զինծառայողների Ֆիզիկական պատրաստվածության քննության հետ կապված
Բաց նամակ
ՀՀ գլխավոր դատախազ՝ Ա. Վարդապետյանին
30.03.2024 թ-ին հրապարակվել են ՀՀ Մարդու իրավունքների պաշտպանի 2023 թվականի տարեկան հաղորդումը և կանխարգելման ազգային մեխանիզմի գործունեության վերաբերյալ տարեկան զեկույցը, ընդ որում 2023 թվականի վերոնշյալ հաղորդմամբ արձանագրվել է, որ ՀՀ ՊՆ-ում ներդրված ատեստավորման համակարգի ֆիզիկական պատրաստվացության քննությունները, էստ ըության, իրականացվում են գենդերային խախտումներով /էջ` 454/, ըստ այդմ, ՀՀ Սահմանադրության 29-րդ հոդվածի պահանջների խախտմամբ:
Հաշվի առնելով, որ ՀՀ ԶՈՒ-ում մինչ օրս օրենքի խախտմամբ անց են կացվում ատեստավորման վերոնշյալ քննությունները, ապա առաջանում է տրամաբանական հարցադրում, մասնավորապես՝
Ֆիզիկական պատրաստվածության քննության ժամանակ խնդրահարույց տարիքային խմբերի կին զինծառայողները /40 տարեկան և բարձր/, կամ տղամարդ զինծառայողները /55 տարեկան և բարձր/, վերոնշյալ քննության ժամանակ, կամ քննությունն ավարտելուց հետո՝ անմիջապես նույն օրը, առողջության վատթարացման հետևանքով ստանան ինֆարկտ, կամ ինսուլտ, ընդ որում, չի բացառվում մահվան ելքով, ապա այդ պարագայում՝ ՀՀ գլխավոր դատախազության ո՞ր պաշտոնյան, կամ պաշտոնյաները կենթարկվեն քրեական և բարոյական պատասխանատվության:
Վերոգրյալից ելնելով, խնդրում եմ մատնանշել վերոնշյալ հանգամանքներում քրեական պատասխանատվության ենթակա՝ ՀՀ գլխավոր դատախազության պաշտոնյայի, կամ պաշտոնյաների պաշտոնները, ինչպես նաև անուն ազգանունները:
ՀՀ պահեստազորի զինծառայողների նախաձեռնության համակարգող՝ Էդգար Հովհաննիսյան:
11.04.2024 թ.
ՀՀ պահեստազորի զինծառայողների նախաձեռնություն