ԿԳՄՍ նախարարը Պարույր Սևակի 100-ամյակն անցկացնելու միջոցառումների առաջարկներ է հավաքագրում

ՀՀ կրթության, գիտության և մշակույթի և սպորտի նախարար Ժաննա Անդրեասյանի հրամանով ստեղծված՝ Պարույր Սևակի ծննդյան 100-ամյակի հոբելյանական հանձնաժողովը 2024 թվականին հոբելյանական միջոցառումների կազմակերպման նպատակով հավաքագրում է առաջարկներ, հայտնում են նախարարության մամուլի ծառայությունից։ 

Հոբելյանական միջոցառումների առաջարկները ԿԳՄՍ նախարար Ժաննա Անդրեասյանին ուղղված գրությամբ անհրաժեշտ է ներկայացնել մինչև 2024 թվականի փետրվարի 12-ը՝ ուղարկելով [email protected], [email protected] էլեկտրոնային հասցեներին:

Առաջարկը պետք է ներառի՝

• հակիրճ բովանդակություն (1-2 էջ),
• նախահաշիվ,
• տեղեկատվություն անցկացման վայրի և ժամկետների վերաբերյալ,
• տեղեկատվություն համաֆինանսավորման վերաբերյալ (առկայության դեպքում),
• տեղեկատվություն դիմումատուի (անհատ, կազմակերպություն) և ստեղծագործական կազմի վերաբերյալ:

Հարցերի դեպքում անհրաժեշտ է զանգահարել ԿԳՄՍՆ մշակութային ժառանգության վարչություն, հեռ.՝ +374 10 599 629, Երանուհի Մարգարյանին: