«Մեր հարևանությամբ այնպիսի դղյակներ կան, որ մեր տունը գոմի է նման»․ Գագիկ Ջհանգիրյանը` Թովմասյանին. VIDEO
Այսօր ԱԺ արտահերթ նիստի ժամանակ անկախ պատգամավոր Թագուհի Թովմասյանը ԲԴԽ անդամի թեկնածու Գագիկ Ջհանգիրյանից հետաքրքրվեց, թե ի՞նչ ճանապարհով է ձեռք բերել իր դղյակն ու բիզնեսները։
Ի պատասխան Ջհանգիրյանը ասաց.
«Քոչարյան Անդրանիկը ինձ դիտողություն էր արել, թե ես ինչու այդ բնակարանի հարցին անդրադարձա այդքան երկար, մանրամասն՝ մամուլի հետ հաղորդակցվելիս, խմբակություններին և այլև և ասեց, որ պիտի ասեիր, որ Բաղրամյան փողոցի հարևանությամբ ձեր եռահարկ սեփական տունը, որը կառուցվել է 1989-1990թթ-ին, երբ ես պաշտոնյա չեմ եղել, վաճառել ենք, էդտեղ կառուցել ենք։ Հիմա ես կարող եմ այդ հարցին այդքան պատասխանել, եթե ձեզ հետաքրքրում է, կարող եմ ասել, թե ինչ միջոցներով է կառուցվել 1989թ-ի այդ տունը։ Ես ակադեմիա 9 կոպերատիվի բնակարանային բազմահարկ շենքի նախագահն եմ եղել, ստացել եմ 4 սենյականոց բնակարան՝ Դավթաշեն 4-րդ թաղամաս 21 շենքում, դա վաճառել եմ 1989թ-ին, այդ փողերով մենք քանդել ենք մեր հին սեփական տունը, նույն տեղում կառուցել ենք այդ բնակարանը, ես անցել եմ աշխատանքի 1990թ-ի դեկտեմբերի 26-ին՝ որպես արդարադատության նախարարության դատական մարմինների վարչության պետ, այդ տունը կառուցված է եղել։
Դուք երևի անշարժ գույքի շուկայից գիտեք, որ կենտրոնում եռահարկ տունը շատ ավելի թանկ է՝ այն էլ 2002-2003թթ-ին, քան թե այն ժամանակ, էն էլ Մոնումնետում չէ այդ տունը, իմ՝ էդ ձեր ասած դղյակը, նախ՝ դղյակային որևէ բան չկա, այնտեղ հարևանությամբ այնպիսի դղյակներ կան, որ մեր տունը գոմի ա նման։
Բայց ասեմ ձեզ՝ էն ժամանակ այնտեղ աղբանոց էր, այդ հողը, որ քաղաքապետարանը ինձ հատկացրել է, եղել է աղբանոց»։
Մանրամասները՝ տեսանյութում.