Հայաստանը վերահաստատում է իր հանձնառությունը ԱԶԲ 2030 ռազմավարությանը
Մայիսի 4-ին Վրաստանի մայրաքաղաք Թբիլիսիում անցկացվող Ասիական զարգացման բանկի (ԱԶԲ) տարեկան հանդիպումների շրջանակներում ՀՀ ֆինանսների նախարարության պատվիրակությունը մասնակցել է ԱԶԲ Կառավարիչների լիագումար նիստին, որն այս տարի անց էր կացվում «Միլիարդներից դեպի տրիլիոններ. կլիմայի փոփոխության համար մասնավոր հատվածի զարգացման խթանում» խորագրի ներքո։
ԱԶԲ 57-րդ տարեկան հանդիումը եզրափակել է մայիսի 5-ին կայացած ԱԶԲ Կառավարիչների գործարար նիստը, որին հայկական պատվիրակության ղեկավար Վահե Հովհաննիսյանը հանդես է եկել առանձին ելույթով։ Իր ելույթում նախարարը, մասնավորապես, նշել է, որ Հայաստանը վերահաստատում է իր հանձնառությունը ԱԶԲ 2030 ռազմավարությանը, և որ դրա նպատակները հետևողականորեն արտացոլվում են ՀՀ առաջնահերթ քաղաքականություններում և ծրագրերում։ Անդրադարձ է կատարվել նաև աճող աշխարհաքաղաքական լարվածության պայմաններում Հարավային Կովկասով և Կենտրոնական Ասիայով անցնող առևտրային ուղիների՝ որպես Արևելքը և Արևմուտքը կապող այլընտրանքային ճանապարհի կարևորությանը։
Վերահաստատվել է ՀՀ հանձնառությունը՝ մաս կազմելու տարածաշրջանային այն բոլոր նախաձեռնություններին, որոնք կնպաստեն նոր տրանսպորտային ուղիների ստեղծմանը, ինչն իր հերթին թույլ կտա բարձրացնել Հարավային Կովկասի աշխարհաքաղաքական նշանակությունը և խթանել աճի այն հսկայական ներուժը, որը չի օգտագործվել տարիներ շարունակ տևած հակամարտությունների պատճառով:
Այցի ընթացքում հայկական պատվիրակությունը մի շարք երկկողմ հանդիպումներ է ունեցել ինչպես ԱԶԲ (ԱԶԲ փոխնախագահ Յ. Յանգի, Կենտրոնական և Արևմտյան Ասիայի վարչության գլխավոր տնօրեն Եվգենի Ժուկովի, ԱԶԲ տնօրենների խորհրդում Հայաստանը ներկայացնող տնօրենի), այնպես էլ այլ միջազգային կազմակերպությունների բարձրաստիճան պաշտոնյաների, այդ թվում՝ ՕՊԵԿ միջազգային հիմնադրամի, Եվրոպական ներդրումային բանկի բարձրաստիճան ներկայացուցիչների հետ, որոնց ընթացքում քննարկվել են ընթացիկ համագործակցության առանցքային հարցեր։
«Տեղ ասեմ, արի արա». բիրտ ուժ կիրառող ոստիկանի կինը «բազար» է սարքել հրապարակման տակ (տեսանյութ)
Ռուբեն Հայրապետյանը հոգացել է ստենդավորման ծախսերը․ լրագրողը շնորհակալություն է հայտնել
Հանդա՛րտ մնացեք, տղե՛րք, ձեզ փչացնում են. Սրբազանը՝ ոստիկաններին (տեսանյութ)
Արտառոց դեպք՝ Կոտայքում․ տղամարդը մուտք է գործել ծանոթի բնակարան, ստիպել է մերկանալ ու սեռական հարաբ...
«Տղե՛րք, ձեզնից ոչ ոք չի վախենում, հանդարտվե՛ք». Սրբազանը՝ կարմիրբերետավորներին (տեսանյութ)
Հայաստանի պատմության մեջ այդպիսի խայտառակ դրվագ դեռ տեղի չի ունեցել. Բագրատ Սրբազանը՝ Արարատ Միրզոյա...
Այս պայքարից հոգնելը մեզ կբերի ինքնաոչնչացման․ ուրեմն չենք հոգնում, չենք կոտրվում․ ԵՊՀ դասախոսի բաց ...
Պետական դավաճանության մեջ մեղադրվող պաշտպանյալս` Էրիկ Ալեյանը, արդարացվեց և դատարանի դահլիճից ազատ ա...
Կրակոցներ՝ Հրազդանում․ կան զոհեր և վիրավոր, մահացածներից մեկը քրեական հեղինակություն է
Մնում է արձանագրել մի փաստ որ այդ սարքավորումը տեղադրել և օգտագործել են լրիվ այլ մարդիկ, այլ ոչ թե ն...
