ԱՄՆ-ում հրապարակվել են ձնե մարդու գոյության հետ կապված փաստաթղթեր
Ամերիկայի Միացյալ Նահանգների Դաշնային հետաքննության ծառայությունը հրապարակել է փաստաթղթեր, որոնք վերաբերում են, այսպես կոչված, «ձնե մարդու» իրական լինել-չլինելու վերաբերյալ հետաքննությանը:
1976 թվականին, Պիտեր Բերնը, ով զբաղվում էր անսովոր արարածների գոյության վերաբերյալ փաստեր հավաքելով, Դաշնային հետաքննությանն էր ներկայացրել մազափունջ, որոնք ոչ մարդու էին պատկանում, ոչ էլ որևէ այլ կենդանու և խնդրել էր անալիզի ենթարկել մազափունջը:
Հետազոտությունից պարզվել էր, որ մազափունջը պատկանում է եղջերուների ընտանիքին դասվող կենդանու: Բերնը, ով այժմ 93 տարեկան է, ասել է, որ չի կորցրել հույսը, որ մի օր կապացուցվի «ձնե մարդու» գոյության փաստը: