Պետրո՛ս Ղազարյան, ի դեպ՝ մորեմերկ քաղաքով զբոսնելն էլ օրենքով չի արգելվում, դե՛ զբոսնիր՝ կանե՞ս
Հաղորդավար, լրագրող Պետրոս Ղազարյանի կյանքում էական փոփոխություն է տեղի ունեցել: Հ1 տեղափոխվելուց հետո նրա մոտ արժեհամակարգային «թավշյա հեղափոխություն» է կատարվել: Հայտնի տրանսգենդերի՝ ԱԺ-ում ելույթ ունենալուց հետո, Պետրոս Ղազարյանը բավականին հետաքրքրական գրառում է կատարել ֆեյսբուքում:
Ըստ Ղազարյանի, պետք է սկսենք օրենքի փոփոխությունից, եթե չենք ուզում ԼԳ-ի քարոզ տեսնել, հակառակ դեպքում տրանսգենդերները, նույնասեռականները և առհասարակ ԼԳԲՏ համայնքն իր բոլոր ատրիբուտներով և անգամ աղանդավորները իրավունք ունեն քարոզչություն իրականացնել հենց խորհրդարանի դահլիճում: Եթե պնդում լինի, թե դա քարոզչություն չէր, այլ խնդիրների բարձրաձայնում, ապա պետք է համոզմունք արտահայտենք, որ տրանսգենդերներն իրավապահ մարմինների տեղը շատ լավ գիտեն: Կյանքին և առողջությանը վտանգավոր դրսևորումների դեպքում ԱԺ-ն հարց լուծող չէ և դա ոստիկանության գործառույթն է: Միամտություն կլինի կարծել, թե որևէ մեկը չգիտի, թե իր իրավունքի խախտման դեպքում ուր պետք է գնա: ԱԺ-ն վայր է, ուր քաղաքական հարցեր են քննարկվում, իսկ ԼԳԲՏ-ի քարոզչության իրականացումը բարձր ամբիոնից մեր բարձրագույն իշխանությունների առջև դրված կարևոր պայման է, հետևաբար պետք է վարել այդ քաղաքականությունը՝ թույլ տալ և աջակցել, որ ԼԳԲՏ-ն քարոզվի:
Պետրոս Ղազարյանի գրառումը բավականին վտանգավոր է, քանի որ խոսում է իր կասկածելի արժեհամակարգի մասին: Այս դեպքում պաշտպանված չէ Հ1-ը Ղազարյանի արժեհամակարգը կրողը դառնալուց և այն ԼԳԲՏ-ի քարոզչամեքենա դառնալուց:
Եթե Պետրոս Ղազարյանը կարծում է, որ չպետք է լինի հանրային վերահսկողություն, այլ միայն օրենքի տառին համապատասխան պետք է սահմանափակվի նրանց քարոզը, ապա այս դեպքում առաջնային է նոր օրենքի մշակումը, որով կարգելվի:
Շեշտում ենք՝ հասկանալի է, որ մենք ժողովրդավար երկրում ենք ապրում և չենք կարող արգելել նրանց գոյությունը, սակայն չպետք է թույլ տալ նաև նրանց իրավունքները գերակա լինեն այլոց իրավունքների նկատմամբ:
Ունե՞նք իրավունք՝ պնդելու՝ Հ1-ով չանել քարոզչություն, թե՞ ոչ, պաշտպանել Հ1-ը Պետրոս Ղազարյանի նմանների՞ց, թե՞ ոչ. սրանք հարցեր են, որոնք պետք է կարգավորվեն օրենքի ուժով, իսկ այս խորհրդարանը արդյոք շահագրգռվա՞ է օրենքի ուժով արգելել Հ1-ում այլասեռության քարոզը, թե՞ թողնել օրենքին լծված Ղազարյանի հայեցողությանը: Եթե այդպես է, ապա չի բացառվում տրանսգենդերի հաջորդ հարցազրույցը Պետրոս Ղազարյանի հետ Հ1-ի եթերում: Իսկ ի՞նչ կտեսնեն երեխաները կապույտ էկրանին. քարոզ՝ պարուրված իրավունքի քողի տակ:
Առհասարակ, մեր կողքին այլադավան և այլակարծիք, սեռական այլ կողմնորոշում ունեցող շատ մարդիկ կան, բայց չպետք է թույլ տալ, որ նրանք իրենց ցանկությունը մեզ թելադրեն կամ սովորեցնեն մեզ, թե ինչպես ընդունենք իրենց, մտնեն մեր իրավունքի դաշտ ու մանիպուլիացիաներով ազդեն մեզ վրա:
Պետր՛ոս Ղազարյան, ի դեպ՝ մորեմերկ քաղաքով զբոսնելը օրենքով չի արգելվում, դե՛ զբոսնիր՝ կանե՞ս: