Խաղեր են տալիս. ինչո՞ւ Սէֆիլյանին քաղաքացիություն շնորհվեց գիշերով
Այսօր առավոտյան «Սասնա Ծռեր» կուսակցությունը տարածեց հայտարարություն, որում նշված էր, որ Կառավարությունը մերժել է ժիրայր Սէֆիլյանին ՀՀ քաղաքացիություն տրամադրելու վերաբերյալ դիմումը:
Այս հայտարարությունը դարձավ բուռն քննարկումների առարկա, իսկ Կառավարությունը՝ քննադատության թիրախ, քանի որ բոլորին էր ակնհայտ, որ Սէֆլյանին քաղաքացիություն չտալով՝ զրկում են նրան խորհրդարանական ընտրություններին մասնակցելու հնարավորությունից:
Ու մինչ փորձագիտական հանրությունը լծվեց Սէֆիլյանին քաղաքացիություն չտալու պատճառները գտնելու գործին, «Սասնա Ծռեր»-ը Գյումրիում իրենց հավաքի ժամանակ ասացին, որ Սէֆիլյանին քաղաքացիություն է շնորհվել և հարցը լուծված է:
Թե ինչպես ստացվեց, որ ոչ աշխատանքային օրով Սէֆիլյանին քաղաքացիություն շնորհվեց՝ թողնում ենք ձեր սթափ դատողությանը, պարզապես հավելենք, որ մեր հավաստի աղբյուրների փոխանցմամբ՝ Սէֆիլյանին մինչ այս պահը քաղաքացիություն չի շնորհվել:
Անգամ քաղաքացիություն շնորհող գերատեսչությունում են կարկամած, թե այս ինչ խաղեր են: Հավանաբար, Փաշինյանը զանգել և խոստացել է հարցը լուծել՝ ևս մեկ անգամ չքննադատվելու համար. առանց այն էլ՝ օր օրի՝ դրա առիթն ավելի ու ավելի է տալիս, գուցե այս անգամ էլ «Ծռե՞րը» պաշարեին Կառավարությունը: