Հանկարծ չստացվի, որ նոր կառավարությունն ինչքան արագ հավաքել է ժողովրդի քվեն, նույնքան արագ այն կորցնի․ Լարիսա Ալավերդյան

Հասարակությունը մեծ ակնկալիքներ չպետք է ունենա, քանի որ երկու շաբաթում շատ բան չի կարող փոխվել։ Իսկ նոր կառավարությունն էլ չպետք է հայտարարություններ անի մի գործընթացի մասին, որը դեռ ընթացքի մեջ է և չի ավարտել:

Ներքաղաքական զարգացումների շուրջ, լրագրողների հետ զրույցում ի գնահատականը տվեց «Ընդդեմ իրավական կամայականությունների» ՀԿ-ի նախագահ Լարիսա Ալավարդյանը։

Այս պահին Լարիսա Ալավերդյանին անհանգստացնում է օրինակ ԿԳ նախարար Արյիկ Հարությունյանի հռետորաբանությունը։

«Նախարարն օգտագործում է այնպիսի հռետոաբանություն, որն օգտագործում են ցույցերի ժամանակ: Ես ցանականում եմ, որ նոր կառավարությունը նախապես չպիտակավորի, թվեր չհնչեցնի: Նոր կառավարության ունեցած վստահության քվեն բավական է, որ կառավարությունն աշխատի կանոնակարգված, առանց շտապելու: Շտապողականությունը բոլորովի տեղին չէ նորանշանակ նախարարների համար. հանկարծ չստացվի, որ ինչքան արագ հավաքել են ժողովրդի քվեն, նույնքան արագ այն կորցնեն»,- ասաց նա:

Լարիսա Ալավերդյանի կարծիքով, իշխանությունը ճիշտ կվարվեր՝ հասարակական կամ փորձագիտական տարբեր խմբերում ներգրավելով փորձառու նախարարներին: