Ախալցխայի ժողովուրդը մշտապես հայկական բանակի ու Արցախի կողքին է․ Հայաստանի դեսպանը հանդիպել է Ախալցխայի հայ հասարակությանը
Մարտի 19-ին ՀՀ դեսպան Ռուբեն Սադոյանը այցելեց եղել է Ախալցխայում։
Այդ մասին գրում է akhaltskha.net-ը։
Այցի ընթացքում դեսպանը հանդիպեց Ախալցխայի քաղաքապետ Զազա Մելիքիձեի, մաժորիտար պատգամավոր Գիորգի Կոպաձեի և նահանգապետ Ակակի Մաճուտաձեի հետ։ Օրվա ընթացքում Դեսպան Ռուբեն Սադոյանը այցելեց Ախալցխայի Սբ․ Գրիգոր Լուսավորիչ եկեղեցի և Մարտա թաղամասում գտնվող հայկական Սբ․ Նշան եկեղեցի։
Եկեղեցի այցելելուց հետո ՀՀ դեսպան Ռուբեն Սադոյանը այցելել է Ախալցխայի քաղաքային խորհրդի շենք, որտեղ նախատեսված էր նրա հանդիպումը քաղաքի հայ հասարակության հետ։
Հանդիպման սկզբում դեսպանը ողջունել է հավաքվածներին և առաջարկել զրուցել ազատ հարց-պատասխանի ձևաչափում։ Սամցխե-Ջավախքի Մեդիա Վերլուծական կենտրոնի տնօրեն՝ Էդուարդ Այվազյանը, նկատել է, որ Ախալցխա շատ հաճախ են այցելում հարևան Թուրքիայի սահմանակից շրջանների նահանգապետերը՝ Սամցխե-Ջավախքի հետ հարաբերությունները բարելավելու նպատակով։ Նա հարցրել է, թե արդյո՞ք դեսպանւ նպատակահարմար չի գտնում աշխատել նաև Հայաստանի մարզերի ղեկավարների հետ։
«Լավ կլինի, որ Ջավախքին սահմանակից Հայաստանի մարզպետները ևս այցելեն Սամցխե-Ջավախքի տարածաշրջան և հարաբերությունները զարգացնեն շրջանների միջև»,- ասաց Էդուարդ Այվազյանը։
Դեսպանը հավանության է արժանացրել առաջարկը և նշել, որ առաջիկայում այդ ուղղությամբ քայլեր նախատեսվում են։
Գործարար Ավետիք Հակոբյանին էլ մտահոգում էր այն հարցը, որ Վրաստանում բնակվող Հայաստանի քաղաքացին չի կարողանում վրացական մեքենայով մուտք գործել Հայաստան՝ այնտեղի օրենսդրության պատճառով։
Ներկաներից Գրիգոր Մինասյանն էլ նկատեց, որ 20 տարուց ավելի է, ինչ նման ակտիվ դեսպան չէին տեսել։ Մինասյանն առաջարկեց, որ Հայաստանի իշխանությունները նպատակային գումարներ ներդնեն՝ տուրիստական հոսքը Վրաստանից դեպի Հայաստան ակտիվացնելու համար։
Ինչպես նաև առաջարկեց, որպեսզի երկու երկրները վերանորոգեն Ջավախքը Հայաստանին կապող միջպետական ճանապարհը։
Դեսպան Սադոյանը դրական արձագանքեց առաջարկին՝ նշելով որ կանի այդ ուղղությամբ հնարավոր բոլոր քայլերը։
Նա նաև նշեց, որ պետք է համայնքը ակտիվացնի իր աշխատանքը տարբեր բնագավառներում։ Նրա խոսքով՝ Ջավախքում ու ընդհանրապես Վրաստանում հայկական համայնքը պետք է ավելի լավ կազմակերպված դառնա և շրջանների հայ համայնքները ավելի ակտիվ պետք է աշխատեն միմյանց հետ։
Ներկաները չկիսեցին դեսպանի այն կարծիքը, թե օրինակ Ախալցխայի և Ախալքալքի, կամ Նինոծմինդայի հայ համայնքների միջև վատ հարաբերություններ են։ Ներկաներից Արամ Սիմոնյանը նկատեց, որ եթե նույնիսկ նման խնդիր կա, ապա դա գալիս է Հայաստանից, որտեղ բանտարկում են ազգային անպիսի հերոսների, ինչպիսին է օրինակ Ժիրայր Սեֆիլյանը։
Հանդիպման ընթացքում ներկաները անդրադարձան նաև հայկական այն արժեքներին, որոնք այսօր Հայաստանում չեն պահպանվում։ Մասնավորապես խոսելով վաորակ սերիալների ու հաղորդումների մասին, ներկաները նկատել են նաև, որ Հայաստանում մեդալները բաշխվում են անարժաններին։
«Ինչպե՞ս կարելի է մեդալ տալ օրինակ ռաբիզ երգիչ Արմենչիկին»,-նկատել է մի բնակիչ։
Դեսապանը նշել է նաև գործելու է նաև հյուպատոսարան, որն արագ կարձագանքի բնակիչներին մատհոգող խնդիրներին։
Խոսելով նաև այլ հարցերի շուրջ՝ ներակները նշել են նաև, որ Ախալցխայի ժողովուրդը մշտապես հայկական բանակի ու Արցախի կողքին է։
«Քառօրյա պատերազմի ժամանակ մենք բոլորս ոտքի էինք ելել և ամեն ինչով պատրաստ էինք օգնելու ու մեր փոքրիկ լուման ներդրինք»,-ասել է Գրիգոր Մինասյանը