Արտաշես Գեղամյանի և Աղվան Հովսեփյանի խարդախության հետևանքով անօթևան մնացած կինը կհայտնվի ծերանոցում (տեսանյութեր)
Տիկին Գոհարը կառավարության դիմաց իրականացվող բողոքի ակցիաներին պատահական էր եկել։ NEWSPRESS.am-ի հետ զրույցում պատմեց, որ գնում էր դատարան, ու տեսավ, որ մարդիկ են հավաքվել, իրենց խնդիրներն են ներկայացնում և որոշեց ինքն էլ իր խնդրի մասին բարձրաձայնել։
Կօգնեն, թե ոչ՝ չգիտի, բայց ցանկացավ NEWSPRESS.am-ի միջոցով ներկայացնել խնդիրը։
Գոհար Չուխիկյանը պատմեց, թե ինչպես է 1992 թվականին խարդախության զոհ դարձել, ու ինչպես են պաշտոնյաներն իր տունը խաբեությամբ խլել ձեռքից։ Նա վստահեցնում է, որ սեփականությունն իր ձեռքից խլել են նախկին դատախազ Աղվան Հովսեփյանի ու ԱԺ պատգամավոր Արտաշես Գեղամյանի միջնորդությամբ։
Գոհար Չուխիկյանին փաստաթղթեր են ստորագրել տվել, որոնք կասկած չեն հարուցել։ Նա նշում է, որ նախ՝ Արտաշես Գեղամյանն էր գործին խառնված, հետո էլ փաստաթուղթը մինչև վերջ կարդացել ու կասկածելի ոչինչ չի նկատել։ Արդյունքում ստորագրել է թղթեր, որով, փաստորեն, օտարել է իր սեփականությունը։
Տիկին Գոհարը մեզ հետ զրույցում նշեց, որ ապրում է ընկերուհու տանը և այնքան էլ հույս չունի, որ կարող է իր տունը վերադարձնեն։
ԱԺ պատգամավորների հետ հանդիպման ժամանակ էլ հույս չեն հայտնել, միայն խոստացել են տեղավորել ծերանոցում։