Բայդենի և Նեթանյահուի միջև հարաբերությունները չափազանց լարված են. Politico
ԱՄՆ նախագահ Ջո Բայդենը կարող է դիտարկել Իսրայելին տրամադրվող ռազմական օգնությունը սահմանափակելու հարցը, եթե Թել Ավիվը ընդլայնի իր ցամաքային գործողությունը Գազայի հատվածում մինչև հարավային Ռաֆահ քաղաք:
Այս մասին հայտնում է Politico-ն՝ վկայակոչելով ԱՄՆ-ի և Իսրայելի անանուն պաշտոնյաներին:
Թեև Բայդենը դեռևս որոշում չի կայացրել ապագա ռազմական մատակարարումները սահմանափակելու վերաբերյալ, պաշտոնյաներն ասում են, որ նա կարող է դա անել, եթե Իսրայելը նոր գործողություն սկսի, որն էլ ավելի կվտանգի պաղեստինցի խաղաղ բնակիչներին:
Ինչպես նշում է Politico-ն, ռազմական մատակարարումները սահմանափակելու Վաշինգտոնի պատրաստակամությունը վկայում է Բայդենի և Իսրայելի վարչապետ Բենիամին Նեթանյահուի միջև չափազանց լարված հարաբերությունների մասին: