Հիմա քննարկվում են երթուղիները. հիմնական ուղղություններն են` Երասխ-Նախիջևան, Իջևան-Ադրբեջան և Մեղրիի ուղղությունները. ՏԿԵ փոխնախարար (տեսանյութ)
Ես նման տեղեկատվություն չունեմ, որ ադրբեջանցիները երկաթգիծ են կառուցում դեպի Նախիջևան և արդեն գնացքով շարժվում են: Այս մասին, այսօր՝ դեկտեմբերի 3-ին, ԱԺ-ում լրագրողների հետ զրույցում ասաց ՏԿԵ փոխնախարար Արմեն Սիմոնյանը:
Նա, վկայակոչելով նոյեմբերի 9-ի հայտարարությունըմ նշել է, որ պետք է տեղի ունենա տրանսպորտային և տնտեսական կապերի ապաշրջափակում, իսկ հունվարի 11-ի հայտարարության համաձայն էլ նախանշվել են այն մեխանիզմները, որոնց հիման վրա պետք է ուսումնասիրվեն այդ երթուղիները։
Փոխնախարարի խոսքով, որպես առաջնահերթություն դիտարկվում է երկաթուղային և ավտոմոբիլային երթուղիները․շ։
«Երկաթուղիների մասով հստակ են ուղղությունները. մեկը Երասխից դեպի Նախիջևան գնացողն է, մյուսը հարավային հատվածով անցնող ուղղությունն է, մեկ այլ ուղղությունը Հրազդանից Իջևանով դեպի Ադրբեջան գնացողն է, ունենք ուղղություն, որը դեպի Վրաստան է գնում, և ևս մեկը ունենք, որը գնում է դեպի Թուրքիա։ Կոնկրետ Ադրբեջանի հետ մենք ունենք Երասխի, Մեղրիի և Իջևանի ուղղություններով երթուղիները։ Այս փուլում քննարկվում են երթուղիները, սահմանով անցնելու գործընթացները, որևէ հստակություն դեռ չկա։ Խոսքը տարանցիկ փոխադրումների մասին է, Ադրբեջանի տարածքով մենք կապ ենք ստանալու ՌԴ-ի հետ, Նախիջևանի տարածքով Իրանի հետ, սա է լինելու ապաշրջափակումը»,-ասաց Արմեն Սիմոնյանը։