Խաչատուր Սուքիասյանն ու Իշխան Զաքարյանը հանդիպել, ջերմ գրկախառնվել են Հյուսիսային պողոտայում. վերջինս պատրաստվում է լքել «Պատիվ ունեմ»-ը (ֆոտո) exclusive.am
Երեկ երեկոյան Հյուսիսային պողոտայում ուշագրավ հանդիպում է տեղի ունեցել: Exclusive.am-ի տեղեկություններով՝ միմյանց հանդիպել, ջերմ գրկախառնվել են ՀՀ երրորդ նախագահ Սերժ Սարգսյանի ղեկավարած ուժի՝ «Պատիվ ունեմ» դաշինքի պատգամավոր Իշխան Զաքարյանն ու նույն Սերժ Սարգսյանին մերժածներից ամենակարկառուն օլիգարխ Խաչատուր Սուքիասյանը՝ Գռզոն:
Նրանք մի քանի ժամ միասին նստել ու զրուցել են Հյուսիսային պողոտայի ռեստորաններից մեկում: Պատգամավորներին ուղեկցել են ինչպես նրանց թիկնապահները, այնպես էլ վարորդները:
Այս հանդիպումը թերևս խոսում է այս երկուսի անսկզբունքայնության և շահամոլության մասին:
Զաքարյանը հին «քցողներից է»: Սկսենք այնտեղից, որ նա ամենակնհայտ ձևով նախկին պաշտոնյա է. աշխատել է թե՛ առաջին, թե՛ երկրորդ, թե՛ երրորդ նախագահների ձեռքի տակ: Ուրեմն ինչո՞ւ չի մերժվում՝ որպես նախկին, ինչպես մյուսները:
Զաքարյանը մի քանի անգամ առաջադրվել է ԲՀԿ-ի կազմում, պատգամավոր ընտրվել, կյանքի ամենագունավոր պահերն անցկացրել «Շանգրի Լա»-ում և առհասարակ ապրել Գագիկ Ծառուկյանի ամենաբարձր հովանու ներքո: Այսօր Իշխանը հիշել է, որ նաև Սերժ Սարգսյանի հետ է ժամանակին աշխատել ու դավաճանում է Գագիկ Ծառուկյանին:
Բայց գուցե դա էլ խնդիր չլիներ կողմերի համար, եթե այսօր «Պատիվ ունեմ» դաշինքի կազմում մանդատ թռցրած Զաքարյանը հիմա էլ Սերժ Սարգսյանին չդավաճաներ՝ վազելով նոր իշխանության գիրկը: Նշենք, որ հենց Սարգսյանի օրոք Զաքարյանը Վերահսկիչ պալատի նախագահն էր ու իր կյանքի ամենափողոտ օրերն էր վայելում, ինչի համար, ի դեպ, մինչ օրս պատասխան չի տվել:
Exclusive.am-ի տեղեկություններով՝ Իշխան Զաքարյանը պատրաստվում է դուրս գալ խմբակցությունից, դառնալ անկախ պատգամավոր, որպեսզի այլևս բացահայտ ծափահարի ու սիրաշահի Գռզոյին ու Նիկոլին:
Թարմացված: Մեզ տեղեկացրին, որ այսօր՝ ժամը 19։15-ի դրությամբ էլ նրանք միասին ընթրում են Սարյան փողոցում գտնվող «Կտուր» ռեստորանում։