Յո՞թ... հա, արդեն մեկն էլ երեկվանից էս կողմ պակասեց փաստորե՞ն. եթե ասել եմ 20, ուրեմն 20... Փաշինյանը՝ Դումանյանին (տեսանյութ)
Ինձ համար անակնկալ կերպով իմացա, որ մեր ծանրամարտիկները չունեն միջազգային չափանիշներին համապատասխան ծանրաձողեր: Այս մասին այսօր՝ հուլիսի 1-ի նիստի ժամանակ հայտարարեց վարչապետի պաշտոնակատար Նիկոլ Փաշինյանը՝ անդրադառնալով ԿԳՄՍ նախարարի պաշտոնակատար Վահրամ Դումանյանի զեկույցին:
Փաշինյանը նկատեց, որ ընթացիկ տարվա ապրիլի վերջին հանդիպել է մարզիկներին և, իմանալով խնդրիմասին, հանձնարարել 20 ծանրաձող պատվիրել, սակայն այսօր իմանում է, որ դրանք դեռևս տեղ չեն հասել:
«Օգոստոսին օլիմպիական խաղերն են. ինչո՞ւ է իմ որոշումը 2 ամիս ուշացմամբ կատարվում: Այն էլ՝ միայն 8-ը»,-ասավ Փաշինյանը՝ ինչին արձագանքելով Վահրամ Դումանյանը նկատեց, որ ոչ թե 8, այլ 7:
«Յո՞թ... հա, արդեն մեկն էլ երեկվանից էս կողմ պակասեց փաստորե՞ն: Ես ուզում եմ ասել, որ նման գործելաոճը չեմ հանդուրժելու, եթե ասել եմ 20՝ ուրեմն 20-ը»,-նշեց Փաշինյանը:
Մանրամասները՝ տեսանյութում.