Դե ինչ, պարզվեց «ծանրոցագեյթի» մանրամասները. Արման Աբովյան
Ազգային ժողովի «Բարգավաճ Հայաստան» խմբակցության քարտուղար Արման Աբովյանը ֆեյսբուքյան իր էջում գրել է.
«Դե` ինչ, պարզվեց «ծանրոցագեյթի» մանրամասները։ Հակիրճ ասած` սպան հայտնաբերել է ծանրոցների մեջ ոգելից և շպրտել է զինվորներին նախատեսված ծանրոցները պատուհանից։
Առաջին հերթին պետք է հստակ ֆիքսել, որ այս կարգի վերաբերմունքը բացարձակ անընդունելի է, ասեմ ավելին, ես կորակավորեի սույն սպայի այս կարգի վարվելակերպը որպես բացահայտ տգիտության և անարգանք հայոց զինվորի և զինվորների ծնողների հանդեպ։ Ախր պետք է գոնե մի կաթիլ խելք և խիղճ ունենալ, որ հասկանալ` ծնողները, որոնք այս ծանրոցների ուղարկել են, պարզապես ցանկացել են իրենց երեխաների համար մի փոքրիկ տոնական նվեր անել: Եթե սպան կարծում է, որ ծանրոցներում կա արգելված խմիչք, ապա դա ոչ մի դեպքում իրեն իրավունք չի տալիս այսպիսի ապուշ ձևաչափով արտահայտել իր զայրույթը։ Կարողա «գժի բազար ա», եթե այդպես է, թող վազելով գլուխը պատին տար ու հանգստանար։
Մի խոսքով, ապուշ և աննորմալ վարվելակերպ է, որը պետք է միանշանակ արմատախիլ արվի Հայոց Բանակից»։