Մարդ, ով այս պահին Դիեգո Սիմեոնեից էլ տխուր է
Երբ բրազիլացի Նեյմարը տեղափոխվեց ֆրանսիական «ՊՍԺ» և հարցազրույցի ժամանակ նշեց, որ եկել է այստեղ, քանի որ ցանկանում է նվաճել Չեմպիոնների լիգայի գավաթը, շատերը սկսեցին ծիծաղել, քանի որ այդ ժամանակաշրջանի «Բարսելոնա»-ն այն 2 թիմերից մեկն էր, որ կարող էր նվաճել գավաթը։
Գրեթե նույն դեպքը պատահեց նաև Ջանլուիջի Բուֆֆոնի հետ, ով եկավ փարիզյան ակումբ, քանի որ ցանկանում էր նվաճել գավաթը։ Շատերը նույնիսկ գրեցին, որ եթե Բուֆֆոնը իմանար, որ Ռոնալդուն գալու է «Յուվենտուս», երևի չգնար ակումբից։
Օրեր առաջ տեսանք, որ իտալացի դարպասապահը նորից լքեց պայքարը, նորից լքեց Չեմպիոնների լիգան։ «Յուվենտուս»-ի երեկվա փառահեղ հաղթանակից հետո մի շարք սպորտային-վերլուծական կայքեր սկսեցին քննադատել ու ծաղրել Բուֆֆոնին, քանի որ նա Փարիզ էր եկել Չեմպիոնների լիգայի համար, այնինչ հիմա իր հարազատ տանը՝ Թուրինում, տղաներն ավելի մոտ են կանգնած գավաթին։
Բուֆֆոնի տեղափոխության ժամանակ շատ վերլուծաբաններ նշեցին, որ անհամեմատելի են «Յուվենտուս»-ն ու ՊՍԺ-ն, քանի որ մի կողմում ուժեղ, հզոր ոգի ունեցող ակումբ է, իսկ մյուս կողմում՝ ակումբ, որտեղ ունեն միայն մեծ գումարներ։
Բուֆֆոնը մի քանի անգամ փորձեց հակառակը համոզել լրագրողներին, մասնագետներին, սակայն հիմա նա երևի թե Դիեգո Սիմեոնեից ավելի տխուր է։
Երեկվա հանդիպումից հետո մի շարք կայքեր էլ կատակով գրեցին, որ «Յուվենտուս»-ի հաղթանակի դեպքում Բուֆֆոնը մյուս տարի հետ կգա «Յուվենտուս»։
Միգուցե մյուս տարի էլ այստեղ փորձի ուժերն ու տիրանա՞ գավաթին...