«Ու դու ես դուխից խոսում, արա». հեռահար «փոխհրաձգություն» Նավակ Ճոճողի և Լևոն Քոչարյանի միջև (լուսանկարներ)
Ակտիվիստ Վիլեն Գաբրիելյանը՝ Նավակ ճոճողը ֆեյսբուքյան իր էջում լուսանկար է հրապարակել, որում պատկերված են մի կողմում Ռոբերտ և Լևոն Քոչարյանները, մյուսում՝ Մարտի 1-ի զոհ Գրիգոր Գևորգյանն ու նրա մայրը: Լուսանկարի վրա գրված է՝ «Աստված պահի քո որդին, ո՞րն էր համը իմ ձագի»: Լուսանկարին կից՝ օգտատերը գրել է.
«Ես շատ բան գիտեմ, քիչ կխոսամ, վերջերս դաժե ասում են շատ ես խոսում, նաև դրա համար քիչ կասեմ, դեռ: Մարտի 1-ի մասին էլ շատ բան գիտեմ, բայց Մարտի 1-ի մասին լսելիս աչքերիս առաջ առաջնային այս կոլլաժն ա գալիս, որը ըստ էության ամենինչ ասում ա:
Մեկնումեկդ Լյովկային թեգ արեք ու հարցրեք, այսքան տարվա մեջ գոնե մտքովդ անցել ա՞, որ դուխդ կարանար հերիքեր գնայիր էս տիկնոջ մոտ ուղղակի աչքերի մեջ նայեիր, արա՜:
Շնորհակալություն ուշադրության համար
հարգանքներով՝
#ՕմարիԱրծիվ
նավակ Ճոճողը»:
Գրառմանն արձագանքել է ինքը՝ Լևոն Քոչարյանը:
«Դու քո պատկերացումը ունես դեպքերի ու պատճառների հետ կապված, ես էլ իմը: Դու ասում ես ինչ-որ բաներ գիտես, ես էլ գիտեմ իմ իմացածը: Մարդկանց վշտի ու զգայարանների վրա խաղալով դուք ձեր քաղաքական դիվիդենտները քաղեցիք, սեփական մեղքը ձեզնից քցելու համար դիմեցիք ստոր քայլերի ու այ էս արածդ նույն շարքից ա: Էդ հավաքված մարդկանց լիդերի գոհունակ հեռախոզանգը մարտի 2-ին երևի լսել ես: Որ չուզեցավ ախրանայից հրաժարվի ու գա մարդկանց տեր կանգնի մարտի 1-ին, դա էլ համոզված եմ, որ գիտես: Դե էն մեկն էլ թողեց փախավ կեսից, էդ էլ կարծում եմ գիտես: Ու դու՞ ես դուխից խոսում, արա: Մենք ոչ մի բանից երբեք չենք փախել: Կյանքում ոչ թիկնապահ եմ ունեցել, ոչ էլ քաղաք դուրս գալու հետ խնդիր, ոչ էն վախտ ու ոչ էլ հիմա: Եթե քեզ էդ հարցը հետաքրքրելա, կարաիր միշտ էլ հարցնեիր, ոչ թե սպասեիր իրավիճակ փոխվեր:
էդ էմոցիոնալ էժան տրյուկներին գոնե հիմա վերջ տվեք:
Գնացեք համ կրակողին գտեք, համ էլ հրաման տվողին, հիմա արդեն էլ օդի մեջ խոսալով չի ստացվի»:
Միմյանց պատասխանող մեկնաբանությունները՝ լուսանկարներում.