Ո՞ւմ հաշվին շորորալով ման կուգա
ՀՀ վարչապետի պաշտոնակատարի տիկին, «Իմ քայլը» և «City of smile» հիմնադրամների հոգաբարձուների խորհրդի նախագահ Աննա Հակոբյանը պատրաստվում է աշխատանքային այցով մեկնել Շվեյցարիայի Համադաշնություն:
Սա տիկին Աննայի, դժվար է հաշվել, թե որերորդ արտասահմանյան այցն է: Տպավորություն է, որ նա ավելի շատ է շրջում արտասահմաններում, քան նրա ամուսինը՝ վարչապետի պաշտոնակատար Փաշինյանը:
Այս անգամ այցի ընթացքում նախատեսվում է Աննա Հակոբյանի հանդիպումը հայ-շվեյցարական խորհրդարանական բարեկամության խմբի անդամների, ինչպես նաև մի շարք բարերարների հետ:
Նմանատիպ հանդիպումներ Աննան ունենում է գրեթե իր բոլոր արտասահմանյան այցերի ընթացքում, բայց թե այդ հանդիպումներն ինչ են տալիս ՀՀ քաղաքացուն, դեռ հայտի չէ:
Աննա Հակոբյանը Շվեյցարիայում կայցելի նաև նաև «Ֆրանկ Մյուլլեր» գործարան, Հայոց ցեղասպանության հիշատակին նվիրված «Հիշողության լապտերներ» հուշահամալիր, Ժնևի հայկական կենտրոնում կհանդիպի հայ համայնքի ներկայացուցիչներին: Այցի ընթացքում տիկին Հակոբյանը կմասնակցի Ժնևի Թոփալյան վարժարանի սաների ավարտական երեկոյին, ինչպես նաև ներկա կգտնվի Սպիտակի երկրաշարժի 30-րդ տարելիցին նվիրված համերգին:
Սրանք հանդիպումների շարք են, որոնց տիկին Աննան կներկայանա հավուր պատշաճի: Բայց հետաքրքիր է՝ ո՞ւմ բյուջեից է տիկին Աննան ծախսում, կամ ո՞վ է վճարում նրա վոյաժների համար:
Հարց է առաջանում՝ մի՞թե վարչապետի տիկինն օրենքով սահմանված կարգով աշխատանքային այցեր անելու իրավունք ունի, չէ՞ որ ՀՀ Սահմանադրությամբ՝ վարչապետի տիկին պետական պաշտոն գոյություն չունի, որն իրավունք է տալիս աշխատանքային այցեր կատարել՝ պետության անունից:
Հետևաբար, Աննա Հակոբյանը պարտավոր է հաշվետվություն ներկայացնել ոչ միայն արած աշխատանքի վերաբերյալ, այլ նաև ծախսած միլիոնների, որոնք քերում է ՀՀ հարկատուների գրպանից:
NEWSPRESS.am