Բացառվում է, որ առանց մարդկանց համաձայնության հարկային բեռ ավելացվի. Արարատ Միրզոյան
ՀՀ առաջին փոխվարչապետի ժամանակավոր պաշտոնակատար Արարատ Միրզոյանը ֆեյսբուքյան իր էջում անդրադարձել է երեկվանից շրջանառության մեջ դրված ու համացանցում ակտիվորեն քննարկվող՝ քաղաքացիների գույքի հայտարարագրման ու տրանսֆերտները հարկելու մասին գաղափարին:
«Սիրելիներս, հարգելիներս, այ ձեր ցավը տանեմ, կարող եք իհարկե շարունակել քննադատել (միտումնավոր մանիպուլացնելով, թե իսկապես հարցի մեջ մի փոքր անգամ չխորանալով՝ էական չի), բայց ախր ինչքան հնարավոր է պարզ եմ ասել՝ ԲԱՑԱՌՎՈՒՄ Է, որ առանց մարդկանց համաձայնության հարկային բեռ ավելացվի, ախր էլ ոնց ասեմ )))
Իսկ քննարկվող գաղափարը հայտարարագրումն է, ոչ թե հարկումը։ Ու ստեղ ամենակարևորը՝ հայտարարագրման ժամանակ հեչ պարտադիր չի, որ հայտարարագրված գումարը հարկվի։
Լավ եղեք»,- գրել է Միրզոյանը։