Չինաստանն ու Ֆրանսիան ջանքեր կգործադրեն Իրանի միջուկային հիմնախնդիրը խաղաղ ճանապարհով լուծելու համար
Չինաստանի նախագահ Սի Ցզինպինը և Ֆրանսիայի նախագահ Էմանուել Մակրոնը բանակցություններից հետո համատեղ հայտարարությամբ հանդես են եկել Իրանի միջուկային խնդրի խաղաղ կարգավորման օգտին։ Այս մասին հայտնում է Չինաստանի կենտրոնական հեռուստատեսությունը, փոխանցում է ՏԱՍՍ-ը։
«Չինաստանը և Ֆրանսիան վերահաստատում են, որ ջանքեր կգործադրեն իրանական միջուկային խնդրի քաղաքական և դիվանագիտական լուծմանը նպաստելու համար», - ասվում է Սիի և Մակրոնի համատեղ հայտարարության մեջ։
Ապրիլի 10-ին The Washington Post-ը, հղում անելով աղբյուրներին, գրել էր, որ Իրանն ավելի քան երբևէ մոտ է միջուկային զենք ստեղծելուն, ինչը 2018 թվականին միջուկային գործարքից ԱՄՆ-ի դուրս գալու հետևանք էր։ Ապրիլի 20-ին գերմանական Bild թերթը հայտարարեց, որ երկիրը կարող է միջուկային զենք ունենալ ընդամենը մի քանի շաբաթվա ընթացքում։