Խելքիդ զոռ տալու փոխարեն՝ ծնոտներիդ ես զոռ տալիս. հեռացի՛ր, դա քո տեղը չէ
Առողջապահության նախարարի պաշտոնակատար Արսեն Թորոսյանն այդպես էլ նախարար չդարձավ` թավշյա հեղափոխություն իրականացրած հայ հասարակությանը կարոտ պահելով թավշյա պտուղներից:
Թորոսյանին ի սկզբանե էր վիճակված տապալել առողջապահության ոլորտն ու իր նախորդի ձեռբերումները: Գարդասիլի վերաբերյալ իր սկզբունքներին դավաճանած Թորոսյանը դասեր չքաղեց իր հասցեին հնչող քնադատություններից՝ չգիտակցելով, որ դրանք արվում են կրկին սխալներ թույլ տալը կանխելու համար:
Թորոսյանն իր պաշտոնավարման ողջ ընթացքում հավատարիմ չմնաց թավշյա սկզբունքներին՝ առաջ տալով մեր դեմ խաղ չկան:
Ու որքան էլ իր մարդուն տանի և նշանակի արյունաբանական կենտրոնի տնօրեն, պաշտոն բաժանի վանեսյանական տեսակին ու հետո էլ չքմեղանա, որ որևէ մասնակցություն այդ նշանակումների հարցում չի ունեցել, միևնույնն է՝ հասարակությունը մերժում է նրան:
Ու որքան էլ Թորոսյանը կադրային բազան թարմացնելու անվան տակ որակյալ մասնագետներին ազատի աշխատանքից՝ նրանց տեղը արկածախնդիրներով լցնելով առողջապահության ոլորտը, հետո էլ թաքնվի օրենքի տառի տակ, միևնույնն է, հասարակությունը մերժում է Արսեն Թորոսյանին:
Իսկ այսօրվա մամուլի ասուլիսն ու նախարարացուի ոչ կոմպետենտ պահվածքը եկան ապացուցելու, որ Թորոսյանն իր տեղում չէ:
Հավելենք հեռացման ևս մեկ պատճառ. Թորոսյանն ասուլիսի ողջ ընթացքում՝ խելքին զոռ տալու փոխարեն զոռ տվեց ծնոտներին՝ ասուլիսն անցկացնելով ծամոն ծամելով, դրանով կրկին ապացուցելով, որ իր հեռանալու ժամն է վաղուց...
NEWSPRESS.am-ի հիմնադիր՝
Արմենուհի (Արիանա) Հովսեփյան