Քանի եգանը կա, քեռին հա էլ կոնֆետ է ուտելու. արդարադատությունը Մարտի 1-ի գործով խորհրդավոր կերպով շրջանցում է Մովսես Հակոբյանին
Մարտի 1-ը ցավոտ թեմա է Հայաստանի և հայերի համար։ Այն մեծագույն խարան է մեր երկրի վարկանիշի վրա և դրա բացահայտումը եթե ոչ այսրոպեական, ապա առաջնային խնդիր է։ Օր օրի բացահայտման պահանջն ավելի է մեծանում, քանի որ իշխանության ղեկին է Մարտի 1-ի միջով անցած և հեղափոխական ճանապարհով իշխանություն վերցրած Նիկոլ Փաշինյանը։
Եթե նման մութ գործերը չբացահայտվեն և դրանց շրջանակներում նախկին բարձրաստիճան պաշտոնյաներ չհայտնվեն բանտերում, ապա Փաշինյանի հեղափոխությունը կկորցնի իր արժեքը։
Գործադիրի ղեկավարն այսօր մի կրկեսային բեմադրության էր Ազգային ժողովում, բարդ էր հասկանալը, ով էր դեմ և ով՝ կողմ, որովհետև կողմ քվեարկողը դեմ էր, դեմ քվեարկողը՝ կողմ, բայց ինչևէ. հարթակ կար, ուր Փաշինյանը բարձր ամբիոնից երկրի կարևոր հարցերին գնահատականներ էր տալիս։ Հնչեցրեց նաև միտք, որ Մարտի 1-ի գործը մինչև վերջին անկյունը բացահայտվելու է, ապա կոչ արեց հոգեբանորեն պատրաստվել բացահայտմանը։
Հաշվի առնելով հանգամանքը, որ Փաշինյանը մի բան ասում է, մեկ այլ բան տեղի է ունենում՝ կասկածները մի փոքր շատ են, որ իր ուժը «կպատի» Մարտի 1-ը բացահայտելու հարցում, մանավանդ, երբ դիտարկվում է դատաիրավական ոլորտում իր կադրերի որակը։
Իհարկե, ցավալի թեմա էլ կա՝ այն, որ նոր իշխանությունների մեջ էլ կան մարդիկ, ովքեր ինչ-ինչ ազգակցական, քավոր-սանիկական կապեր ունեն և հանուն իրենց բարեկամի՝ ստվեր են նետում ամբողջ գործի բացահայտման վրա։ Այդպիսին է ԱԱԽՔ Արմեն Գրիգորյանը։ Շատ են խոսում այն մասին, որ նա այդքան էլ լուրջ դեմք չէ վարչապետի կաբինետում, և որ միջազգային հարթակներից արդեն նամակներ են գալիս անվստահության բովանդակությամբ, բայց դրան զուգահեռ՝ «Իրատեսը» գրում է այն մասին, որ նա հասցրել է բարեխոսել Արցախի պաշտպանության երբեմնի նախարար, ՀՀ ԶՈՒ ԳՇ նախկին պետ Մովսես Հակոբյանի համար: Եթե հիշում եք՝ Հակոբյանի քրոջ որդին է Գրիգորյանը։ Նա գործի շրջանակներում փորձել է «մաքրել» քեռուն բոլոր կարգի «մեղադրանքներից»։
Հիշենք՝ Արցախի պաշտպանության նախկին փոխնախարար Օգանովսկին Մարտի 1-ի գործով կանչվել էր հարցաքննության և հարց էր տվել քննիչին, թե ինչու են իրեն կանչել հարցաքննության և ոչ Պաշտպանության նախարար Մ. Հակոբյանին, որի հրամանի ներքո գործել է ինքը։
Հետաքրքրական է՝ Գլխավոր ռազմական տեսուչի պաշտոնը վայելող Մովսես Հակոբյանի կողքով դեռ երկա՞ր ժամանակ է արդարադատությունն անցելու, թե՞, այնուամենայնիվ, ինքը ևս առնվազն հարցաքննության կենթարկվի, ապա արդեն պատասխանատվության, թե՞ ամեն դեպքում Արմեն Գրիգորյանը կկարողանա հովանավորել նրան՝ հերիք չէ՝ ազատել գլխացավանքներից, մի բան էլ՝ առանց պաշտոն չթողնել։
Մ. Հակոբյանը պաշտոնավարման օրերին «մեղադրվում» էր նաև լրջագույն բիզնես-հետաքրքրություններ ունենալու մեջ. ըստ մամուլի՝ «ՊՆ-ի գնումների մեծ մասը կատարում են 3-4 ընկերություններ, որոնք բոլորն էլ պատկանում են ԶՈՒ գլխավոր շտաբի պետ Մովսես Հակոբյանին»։
Բայց այս փաստը ևս նոր իշխանությունները չնկատելու են տալիս։
Մի խումբ երիտասարդներ «Ռոյալ» ակումբում Պզոյին ծեծի են ենթարկել
Վարդան Ղուկասյանը կարևոր հայտարարություն է արել (տեսանյութ)
Հավաքվել ենք, որ մեր գյուղը փրկենք, հետո էլ ամբողջ Հայաստանը. տավուշցի փոքրիկներ (տեսանյութ)
«Քո բոլոր ընկերները սա են նայում, իրենց ընտանիքները սա են նայում, պատկերացնո՞ւմ ես»․ Աննա Հակոբյանը՝...
Որտե՞ղ է սիթքոմներով ապրած ու իր խաղացած կերպարների տակ մնացած Հայկ Մարությանը
Ինչ ցանել ես, այն էլ կհնձես. Ծիծեռնակաբերդում տեղի ունեցած միջադեպից հետո թերեւս, արժե թարմացնել ՔՊ-...
Երևանում 34-ամյա որդին Ավանում սպանել է մորը, ապա գնացել Կիևյան կամուրջ և այնտեղից իրեն ցած նետել
Խմբագիր Անժելա Թովմասյանին ոստիկանները բռնի ուժով փորձում են բերման ենթարկել (տեսանյութ)
Ինչպես է Աննա Հակոբյանն ինքնամոռաց պարում «Ամառ» ռեստորանում (տեսանյութ)
Ոսկեպարի բնակիչները հայտարարել են, որ Փաշինյանն իրենց այլ բան էր խոստացել
