Ի՞նչ է անելու Փաշինյանը, երբ վտանգ զգա ոչ թե ԱԺ-ից, այլ սահմանից․ կրկին կուրանա՞
Երեկ վարչապետ Նիկոլ Փաշինյանը կրկին սրեց ներհայաստանյան քաղաքական մթնոլորտը՝ դրա համար դարձյալ օգտագործելով ժողովրդին։ Վարչապետն իր վերարտադրման համար վտանգ զգաց, ինչի արդյունքում դիմեց ամենաարագ և իր համար շահավետ տարբերակին՝ ժողովրդին կոչ արեց դուրս գալ փողոց և շրջափակել Ազգային ժողովի շենքը։ Քանի դեռ էյֆորիան թևածում է հայաստանյան երկնքում, Նիկոլ Փաշինյանն իր նմանատիպ որոշումներում կարող է հաջողությունների հասնել, քանի որ դրանք արագ են, ոչ աշխատատար՝ իսկը կարված կարճատես քաղաքական գործչի հագով։
Նիկոլ Փաշինյանն իր կոչով փողոցները լցնող բազմությանը չձանձրացելու համար ամեն անգամ կատարելագործում է իր հռետորաբանությունը, դրանք համեմում է անեկդոտներով, զվարճալի պատմություններով, էքս նախագահներին հիշատակելու իր սովորությամբ։ Սակայն, երեկ Գիտությունների ազգային ակադեմիայի աստիճաններին կանգնած վարչապետը որոշեց, որ աղն ու պղպեղը քիչ են, իսկ այդ անհամությունից շուտով հասարակությունը կարող է հիասթափվել, ձանձրանալ և այլևս չվազել իր հետևից, ուստի որոշեց դիմել կտրուկ միջոցների։ Թեև իրենից մեկ ժամ առաջ արդեն իսկ Հայ Հեղափոխական Դաշնակցությունը տարածել էր հաղորդագրություն, որ դուրս է գալիս կոալիցիայից, սակայն PR-ի սիրահար վարչապետը շտապեց ցույց տալ, որ առաջ է ընկել դաշնակցականներից և հայտարարեց, որ ոչ միայն ՀՅԴ-ն, այլ նաև ԲՀԿ-ն են հեռացված կառավարությունից։
Իհարկե՛, Նիկոլ Փաշինյանն այս ամենն ասելով չբավարարվեց. նա ժողովրդի աչքի առջև ստորագրեց ինչ-որ թղթերի վրա՝ բազմությանը ցույց տալով, թե՝ տեսեք, ամեն ինչ ձեր աչքի առջև է՝ բաց և թափանցիկ։ Փաշինյանն իրեն դրսևորեց որպես ամբիցիոզ և կարճատես քաղաքական գործիչ, ընդ որում՝ շատ կարճ հիշողությամբ։ Փաշինյանը փառքի գագաթին հասնելու համար ուրացավ, որ երբ նեղն էր ընկել, իր կողքին կանգնեցին ԲՀԿ-աններն ու ՀՅԴ-ականները։ Փաշինյանն ուրացավ, որ այսօր թուրն աջուձախ կտրում է բացառապես այս կուսակցությունների աջակցման շնորհիվ, քանի որ ժողովուրդը՝ ժողովուրդ, բայց, միևնույնն է, կառավարության ղեկավարին ընտրության ժամանակ մատը կոճակին դրել և սեղմել է ոչ թե հրապարակում կանգնած քաղաքացին, այլ Ազգային ժողովի պատգամավորը։
Նիկոլ Փաշինյանն իր այս պահվածքով ևս մեկ անգամ ապացուցեց, որ պատրաստ է թքել ցանկացածի վրա, ով նեղության մեջ ձեռք է մեկնել իրեն։ Փաշինյանն ընդգծեց՝ ցանկացածին կարող է օգտագործել իր նպատակին հասնելու համար, իսկ այդ նպատակը ձեռք գցելուն պես, կարելի է թքել անցած ուղու և կողքին կանգնածների վրա։
Արդյոք Նիկոլ Փաշինյան քաղաքական գործչի այս ամբիցիոզությունն ու հակաժողովրդավարությունը մտածելու տեղիք չի տալիս նրան թմբկահարողներին և ծափահարողների մոտ․ արդյոք ազգը զոմբիացել է այն աստիճան, որ ի վիճակի չէ՞ անգամ այս ակնհայտ խայտառակություններին ադեկվատ արձագանքել, և ինչ է սպասվում մի ողջ ժողովրդի, եթե նա հանկարծ մի օր, Աստված մի արասցե, սահմանին հակառակորդն ակտիվանա և խանգարի Փաշինյանի անդորրը։
Հետաքրքիր է՝ Փաշինյանին այդժամ կօգնեն թմբուկնե՞րը, թե՞ ուրացումը...
Մի խումբ երիտասարդներ «Ռոյալ» ակումբում Պզոյին ծեծի են ենթարկել
Վարդան Ղուկասյանը կարևոր հայտարարություն է արել (տեսանյութ)
Հավաքվել ենք, որ մեր գյուղը փրկենք, հետո էլ ամբողջ Հայաստանը. տավուշցի փոքրիկներ (տեսանյութ)
«Քո բոլոր ընկերները սա են նայում, իրենց ընտանիքները սա են նայում, պատկերացնո՞ւմ ես»․ Աննա Հակոբյանը՝...
Որտե՞ղ է սիթքոմներով ապրած ու իր խաղացած կերպարների տակ մնացած Հայկ Մարությանը
Ինչ ցանել ես, այն էլ կհնձես. Ծիծեռնակաբերդում տեղի ունեցած միջադեպից հետո թերեւս, արժե թարմացնել ՔՊ-...
Երևանում 34-ամյա որդին Ավանում սպանել է մորը, ապա գնացել Կիևյան կամուրջ և այնտեղից իրեն ցած նետել
Խմբագիր Անժելա Թովմասյանին ոստիկանները բռնի ուժով փորձում են բերման ենթարկել (տեսանյութ)
Ինչպես է Աննա Հակոբյանն ինքնամոռաց պարում «Ամառ» ռեստորանում (տեսանյութ)
«Թքեմ Նիկոլի ու իրա կնգա երեսին». փողոցային առևտրով զբաղվող քաղաքացի (տեսանյութ)
