Քաղաքականությունից ոտաբոբիկ Նազարյանն՝ ընդդեմ «գոլեր խփած» Զոհրաբյանի
Երևանի ավագանու ընտրություններին մասնակցող ԲՀԿ-ի քաղաքապետի թեկնածու Նաիրա Զոհրաբյանը երեկ երեկոյան սենսացիոն հայտարարություն է արել՝ նշելով, որ սոցիալական ցանցերի օգտատերերը հաղորդագրություններ են ստանում հետևյալ բովանդակությամբ. «Նաիրա Զոհրաբյանին ընտրելով՝ դուք ընտրում եք Գագիկ Ծառուկյանին, ընտրելով Գագիկ Ծառուկյանին՝ ընտրում եք Ռոբերտ Քոչարյանին»:
Նաիրա Զոհրաբյանը ԲՀԿ-ի քարոզարշավին մասնակցող քաղաքացիներին վստահեցրել է․
«Հիմա ասում եմ՝ Ռոբերտ Քոչարյանին ընտրում եք դուք, «Քաղաքացիական պայմանագրի» գործընկերնե՛ր, որովհետև Ռոբերտ Քոչարյանի PR-ն անում եք դուք, որովհետև Ռոբերտ Քոչարյանին կալանքից ազատեցիք դուք, դուխ չունեցաք Ռոբերտ Քոչարյանին կալանքի տակ պահելու, և Ռոբերտ Քոչարյանի քաղաքական PR-ը, Քոչարյանին քաղաքական հարթակ տրամադրելու ամբողջ առաքելությունը ձերն է»:
Զոհրաբյանը նաև շեշտել է՝ ՀՀԿ-ին սատարած ուժերն «Իմ քայլը» դաշինքում են։
Նաիրա Զոհրաբյանի այս հայտարարություններն իրար են խառնել «Իմ քայլը» դաշինքի ավագանու անդամներին և, մասնավորապես, ԱԺ «Ելք» խմբակցության որոշ պատգամավորների։
Խմբակցության ղեկավար Լենա Նազարյանն ասել է, որ տիկին Զոհրաբյանը նշել է Վիկտոր Մնացականյանի մասին, և շեշտել, որ հեղափոխության օրերին նա շատ ակտիվ մասնակցել է ճանապարհ փակելուն և իրականացրել է հայտնի գորգեր փակելու ակցիան։
Լենա Նազարյանը չկարողանալով հիմնավորել, թե ինչպես է ստացվել, որ Միքայել Մինասյանի սանիկը հայտնվել է հեղափոխականների շարքերում, սկսել է կառչել այդ պահին որևէ նշանակություն չունեցող խոսակցությունից՝ «լոլոներ» պատմելով, թե «Ծառուկյան» խմբակցությունը բազում կոալիցիաներ է ունեցել ՀՀԿ-ի հետ, հետևաբար՝ Զոհրաբյանն ումից ի՞նչ է պահանջում։
Լենա Նազարյանի ասածն, ըստ էության, որևէ մեկի համար նորություն, չէր, նորությունը Մինասյանի սանիկի գործոնն էր «Իմ քայլը» դաշինքում, ինչի մասին, սակայն պատգամավորը լռել է։
«Ծառուկյան» դաշինքի պատգամավորների տված քվեների հաշվին վարչապետ կարգված Նիկոլ Փաշինյանը կորցրել է իրականության զգացողությունը՝ նրա թիմը հարձակումն ու գրոհը չի դադարեցնում, ինչին չպատասխանելն ուղղակի համաձայնության նշան կլիներ «Ծառուկյան» խմբակցության համար։
Նաիրա Զոհրաբյանը երեկ պարզապես մերկացրեց «Իմ քայլը» դաշինքի քաղաքական «ոտաբոբիկությունը»՝ ևս մեկ անգամ վերահաստատելով՝ առանց Փաշինյանի այս ուժը ոչինչ է, և ժողովուրդը ընտրելու է ոչ թե Երևանի քաղաքապետ, այլ իր համաձայնությունն է տալու Նիկոլ Փաշինյանին։ Ասվածի ապացույցն առանց Փաշինյանի մասնակցության «Իմ քայլը» դաշինքի քարոզարշավի սակավամարդությունն է։
Որքան մոտենում է Երևանի ավագանու ընտրության օրը՝ սեպտեմբերի 23-ը, այնքան ուժերի միջև պայքարը սրվում է՝ երբեմն դրսևորելով խայտառակ շեղումներ։ ԲՀԿ քաղաքապետի թեկնածու Նաիրա Զոհրաբյանի երեկվա հայտարարությունը կարող է լրջագույնս փոխել իրերի դասավորվածությունը, և սկանդալի կենտրոնում հայտնված դաշինքի համար ունենալ անակնկալ վերջաբան, եթե իհարկե, Փաշինյանը գործի չգցի պետական կառավարման ապարատն ի շահ ընտրությունների ծառայեցնելու գործուն մեխանիզմը։
Մի խումբ երիտասարդներ «Ռոյալ» ակումբում Պզոյին ծեծի են ենթարկել
Վարդան Ղուկասյանը կարևոր հայտարարություն է արել (տեսանյութ)
Հավաքվել ենք, որ մեր գյուղը փրկենք, հետո էլ ամբողջ Հայաստանը. տավուշցի փոքրիկներ (տեսանյութ)
Որտե՞ղ է սիթքոմներով ապրած ու իր խաղացած կերպարների տակ մնացած Հայկ Մարությանը
«Քո բոլոր ընկերները սա են նայում, իրենց ընտանիքները սա են նայում, պատկերացնո՞ւմ ես»․ Աննա Հակոբյանը՝...
Ինչ ցանել ես, այն էլ կհնձես. Ծիծեռնակաբերդում տեղի ունեցած միջադեպից հետո թերեւս, արժե թարմացնել ՔՊ-...
Երևանում 34-ամյա որդին Ավանում սպանել է մորը, ապա գնացել Կիևյան կամուրջ և այնտեղից իրեն ցած նետել
Խմբագիր Անժելա Թովմասյանին ոստիկանները բռնի ուժով փորձում են բերման ենթարկել (տեսանյութ)
Ինչպես է Աննա Հակոբյանն ինքնամոռաց պարում «Ամառ» ռեստորանում (տեսանյութ)
«Թքեմ Նիկոլի ու իրա կնգա երեսին». փողոցային առևտրով զբաղվող քաղաքացի (տեսանյութ)
