«Ամբողջ քաղաքը տեռոր են անում, գլխներիս սարքում են»․ արտաշատցիները բողոքում են հարկայինի աշխատանքից (տեսանյութ)
Արարատի մարզի Արտաշատ քաղաքի առևտրականները բողոքում են հարկային մարմնի աշխատանքից: Նրանք ակցիա են կազմակերպել։ Պետական եկամուտների կոմիտեի նախագահ Դավիթ Անանյանը հանդիպեց քաղաքացիներին։
Առևտրականները վստահեցնում են՝ հարկային մարմինն ամեն ինչ անում է, որ տուգանի իրենց։
«Ամբողջ քաղաքը տեռոր են անում, 13-14 հոգով մտնում են ստուգման: 300 հազար դրամի ապրանք ունեցող խանութի վրա 500-600 հազար դրամի տուգանք են դնում: Հանձնարարականով գալիս են, որ ՀԴՄ ստուգեն, բայց որ դա չի լինում, աշխատուժն են ստուգում՝ առանց հանձնարարականի: Գլխիս սարքում են։Ամեն ինչ անում են, որ տուգանեն մենակ»,- ասաց առևտրականներից մեկը:
Մյուսն էլ նկատում է, որ հարկայինը ապօրինի է գործում։
Դավիթ Անանյանը նկատեց, որ ծառայողական քննության հիմքեր կան, բայց ոտքի վրա որոշում չի կարող կայացնել և որևէ մեկին աշխատանքից հեռացնել։
«Էն ինչ ասում եք՝ տրամաբանական է, բայց հաճախ տրամբանությւնն ու օրենսդրությունն իրար հետ չեն համընկնում․․․ ամեն ինչ օրենսդրության շրջանակում է լինելու։ Դուք գնացեք աշխատեք, ես տեսնեմ՝ ինչ եմ անում․․․»,-ասաց Անանյանը։
Մանրամասները՝ տեսանյութում․