Արսինե Խանջյա՛ն, Դուք սեպ խրեցիք Ձեր և հայ հանրության միջև
ԼԳԲՏ համայնքի մասին, առհասարակ, պետք է լռել և թողնել մարդուն՝ ինքը որոշի՝ ում հետ անցկացնել իր սեռական կյանքը: Բայց, կարծես թե, հենց այդ համայնքն է փորձում իր վրա ուշադրություն հրավիրել, իսկ հետո բողոքում, թե ինչու է հանրությունն իրենից զատում, առանձնացնում, տարբերակում իրենց:
ԼԳԲՏ համայնքի դեմ Հայաստանում, գուցե միայն դաշնակցական երիտասարդներից բացի, այլ առավել կազմակերպված ուժ չի պայքարում, մեղմ ասած, հանրությունն անտարբեր է մնում այնքան ժամանակ, մինչև իրենք անձամբ չեն «շիկացնում մարած կրակը»:
Այդպիսի դեպք եղավ, երբ երեկ ԼԳՏՊ համայնքի առօրյան լուսաբանող կայքերից մեկը հրապարակեց հարցազրույց դերասանուհի Արսինե Խանջյանի հետ: Դերասանուհին, ով սեր ու հարգանք է վայելում հայ ժողովրդի կողմից, միանգամից ագրեսիվ տրամադրություն արթնացրեց իր նկատմամբ: Նա, բացի այն հանգամանքից, որ խոսեց ԼԳՏՊ համայնքի խնդիրների, օրենսդրական փորփոխությունների մասին, իսկ միայն խոսելն անգամ զայրույթ է առաջացնում շատերի մոտ, նա նաև ժողովրդին անդաստիարակ է անվանում, ինչ է թե այդ նույն ժողովուրդը, ով գնահատում է այս դերասանուհու արվեստը, ըստ պատշաճի չի գնահատում միասեռականներին:
Կներե՛ք, բայց մեր երկրում մոտեցումները մի քիչ տարբեր են: Ամբողջ կյանքում միայն իր կնոջ հետ սեռական կյանքով ապրած հողագործ տղամարդը չի գայթակղվում հարևան հողագործով, և իրենք դաշտում մի լավ սեր չեն անում, մեր տան կինը կամ աղջիկը չի սիրահետում ընկերուհուն: Մենք ունենք ընտանիքի մոդել և վայելում ենք հակառակ սեռերի միջև հարաբերությունը և մեծ առումով անգամ չենք էլ տեղեկանում, թե ով ում հետ է իրեն լավ զգում:
Արսինե Խանջյա՛ն, պետք չէ հողագործից մինչև գիտնական, ովքեր չեն գայթակղվում իրենց սեռից որևէ մեկով և չեն կապում կյանքն իրենց նման մեկի հետ, մի՛ անվանեք անդաստիարակ, պե՛տք չէ, մենք այնքան դաստիարակված ենք, որ հարգում ենք ընտանիքը, կնոջն ու տղամարդուն, սիրում ենք երեխաներ ունենալ, հոգալ նրանց մասին և սիրառատ ապրել, իսկ մյուսներին՝ բարի վայելում մաղթել այնպես, ինչպես իրենք են ուզում:
Չենք կարող չնկատել, որ Խանջյանն իր այս հարցազրույցով սեպ խրեց իր և հայ հանրության միջև, որովհետև նախկինի պես անվերապահ հարգանքը հօդս ցնդեց, բայց ոչ թե նրա համար, թե ինչու է պաշտպանում ԼԳԲՏ շահերը, այլ ոչ կոռեկտ պահվածքի համար, որ դրսևորեց, այսպես ասած, հետերոսեքսուալների նկատմամբ:
Եվ ընդհանրապես, իսկ ո՞վ ասաց, որ յուրաքանչյուրի պարտքն է գոնե մեկ անգամ բարձրացնել այդ համայնքի խնդիրները, իսկ չի՞ լինի լռել, պարզապես լռել, չխոսել մի երևույթի մասին, որը կարող է բախել յուրաքանչյուրի դուռը: Արսինե Խանջյանին դուր կգա՞, երբ իր աղջիկը որոշի իր ընկերուհու հետ սեր անել: