Ինչու են վախեցած Գագիկ Ծառուկյանից
Այսօր, երբ Ազգային ժողովի պատգամավոր Նիկոլ Փաշինյանը իր համակիրների հետ տոնում է ազգի հաղթանակը, տարբեր ուժեր և կառույցներ փորձում են մեկը մյուսի վրայով անցնելով, նաև իրենց վերագրել այդ հաղթանակը։
Այս կերպ այսօր որոշ քաղաքական ու հասարակական գործիչներ փորձում են ցեխ շպրտել «Բարգավաճ Հայաստան» կուսակցության ու նրա առաջնորդ Գագիկ Ծառուկյանի վրա, թե ուր էիք դուք՝ չկայիք։ Սա թերևս տրամաբանական է այնքանով, որ այսօր որպես ուժ՝ Գագիկ Ծառուկյանի գլխավորած կուսակցությունն ու դաշինքը իսկապես կարող է լուրջ մրցակից լինել բոլորի համար։
Իսկ իրականում, անկեղծ լինելու համար պետք է նշենք, որ Ծառուկյանի գլխավորած կուսակցությունը այն առաջին քաղաքական ուժն էր, որն իր աջակցությունը փորձեց ցուցաբերել Փաշինյանին ու նրա համախոհներին։ Մասնավորապես այն ժամանակ, երբ ԱԺ պատգամավորներ Նիկոլ Փաշինյանին, Արարատ Միրզոյանին և Սասուն Միքայելյանին բերման ենթարկելուց, իսկ ավելի ուշ ձերբակալելուց հետո, խոսք էր գնում նրանց անձեռնամխելիությունից զրկելու մասին, Գագիկ Ծառուկյանը շտապ խորհրդակցության նիստ է հրավիրել։
ԲՀԿ-ի խորհրդակցության ժամանակ քննարկվել է ԱԺ արտահերթ նիստում պատգամավորներին մանդատից զրկել-չզրկելու հարցը։
Մեր տեղեկություններով, Գագիկ Ծառուկյանն իր խմբակցության պատգամավորներին կոչ է արել բոյկոտել նիստը, որպեզի այն չկայանա և չկարողանան պատգամավորներին զրկել անձեռնամխելիությունից։ Բացի այդ, հենց այս խորհրդակցության ժամանակ էլ որոշվել է, որ Ծառուկյանի ղեկավարած կուսակցությունն ու խմբակցությունը միանալու է Նիկոլ Փաշինյանի շարժմանը։
Այսօր սակայն, որոշ վախեցած ու իրենց ճակատագրով խիստ անհանգստացած քաղաքական ու հասարակական գործիչներ որոշել են շտապողականություն ցուցաբերել՝ Գագիկ Ծառուկյանի առաջն առնելու ու իրենց տեղը ամրապնդելու հարցում։ Ու թեև սա ակնհայտ է, սակայն վայ քաղաքական գործիչները չեն նահանջում ու ամեն գնով փորձում են իրենց ճամփա հարթել։
Այս պարագայում միայն նրանց հիշեցնել է հարկավոր, որ ի տարբերություն իրենց, Գագիկ Ծառուկյանն արած գործ ունի ու հետագիծ։ Առանց անուններ տալու նկատենք միայն, որ երբ Գագիկ Ծառուկյանը նիստ էր հրավիրել ու հայտարարել, որ միանում ու սատարում է շարժմանը, այսօր նրա վրա նույն ցեխ շպրտողներն ու զրպարտողները իրենց թաքստոցում վախեցած սպասում էին հարմար պահի․․․ բայց, պահն անցավ, չհասցրեցին ու հիմա զբաղված են միայն զազրախոսությամբ։