Ռուսաստանը նախատեսում է 2024 թվականի մարտի 1-ից վեց ամսով բենզինի արտահանման ժամանակավոր արգելք սահմանել
Ռուսաստանի կառավարությունը նախատեսում է 2024 թվականի մարտի 1-ից վեց ամսով բենզինի արտահանման ժամանակավոր արգելք սահմանել՝ գարնանը և ամռանը պահանջարկի աճը փոխհատուցելու համար։ Մեկ այլ միջոց կարող է լինել բորսայում դիզելային վառելիքի վաճառքի նորմատիվը հասցնել մինչև 16%-ի, ՏԱՍՍ-ին ասել է ՌԴ փոխվարչապետ Ալեքսանդր Նովակի ներկայացուցիչը։
«Մենք հաստատում ենք տեղեկատվությունը», - ասել է ՏԱՍՍ-ի զրուցակիցը՝ մեկնաբանելով ժամանակավոր արգելք մտցնելու պլանների մասին ավելի վաղ արված հրապարակումները։
Արտահանումն արգելելու մասին որոշումն անհրաժեշտ է ամառային արձակուրդների և դաշտային աշխատանքների, ինչպես նաև նավթավերամշակման գործարանի պլանային վերանորոգման ժամանակ պահանջարկի աճը փոխհատուցելու համար։
Սահմանափակումը չի տարածվի ԵԱՏՄ երկրների վրա, ինչպես նաև Հարավային Օսիայի, Աբխազիայի, Մոնղոլիայի և Ուզբեկստանի վրա։