Բելառուսի հետ սահմանին ուկրաինացի ավելի քան 100 հազար զինծառայող կա. Բելառուսի ՊՆ
Բելառուսի պաշտպանության նախարար Վիկտոր Խրենինը հայտարարել է, որ ներկայումս բելառուսական սահմանի մի քանի շրջաններում տեղակայված Ուկրաինայի զինված ուժերի ընդհանուր թիվը կազմում է մոտ 112-114 հազար զինվորական։ Այս մասին նախարարն ասել է «Россия-24» հեռուստաալիքին տված հարցազրույցում։
«Նրանցից 17 հազարից մի փոքր ավելի կամ պակասը ներգրավված է ուկրաինա-բելառուսական սահմանի անմիջական պաշտպանության գործում»,- Խրենինի խոսքերն է մեջբերում ՏԱՍՍ-ը։
Բելառուսի նախարարը նաև ասել է, որ նախկինում բելառուսական անվտանգության ուժերի խմբավորումը Ուկրաինայի սահմանին ավելի մեծ էր։
«Մեզ համար ավելի մեծ վտանգը գալիս է Ուկրաինայից եկող դիվերսիոն խմբերից»,- նշել է Խրենինը։