Ոչ մի զոհված զինվորի քրգործ չի բացահայտվելու, ձուկը գլխից է հոտած` պոչի հետ են խաղում. Մարգարիտա Խաչատրյան (տեսանյութ)
Կառավարության մոտ բողոքի ակցիա են անում զոհված զինծառայողների մայրերը: Այստեղ են նաև «Զինվոր համակարգող» խորհրդի նախագահ Մարգարիտա Խաչատրյանը և Ապրիլյան քառօրյայի մասնակիցներ:
Մարգարիտա Խաչատրյանը հացադուլ է հայտարարել: Նա վստահեցնում է, որ չէր պատկերացնում, թե կառավարության դռներն իր առջև կփակվեն. եկել էր հանդիպելու վարչապետին և ներկայացնելու զոհվածների ծնողների և կանանց խնդիրները, սակայն փակ դռներից բացի, նրա դիմաց ոստիկանական պատ է կանգնած:
Նկատենք, որ Մարգարիտա Խաչատրյանի ինքնազգացողությունը վատացավ, սակայն նա հրաժարվեց արագ ժամանած Շտապօգնության անձնակազմի բուժօգնությունից:
Մարգարիտա Խաչատրյանը, ով հայտնի է նաև «Մառոզ» անունով, ոստիկաններից յուրաքանչյուրին սկսեց հարցնել, թե որտեղ է ծառայել: Վերջիններս հիշեցին նաև, որ տիկին Մարգարիտան ժամանակին իրենց մոտ է եկել, օժանդակություն է բերել, բայց խնդրեցին ներողամտություն ցուցաբերել, որ չեն կարող ներս թողնել. իրենց գործն են անում:
Լրագրողների հարցին պատասխանելով, Մարգարիտա Խաչատրյանը նկատեց, որ ոչ մի զոհված զինվորի գործ չի բացահայտվելու, քանի որ ձուկը գլխից է հոտած: Նա նաև ամենայն վճռականությամբ հայտարարեց, որ պատասխանատու է իր խոսքերի համար:
Մանրամասները` տեսանյութում