Բոլորը շտապեցին Արցախ․ փակուղի՞, թե՞ պատերազմ
Հայաստանի վարչապետ Նիկոլ Փաշինյանը, արտաքին գործերի նախարար Զոհրաբ Մնացականյանը, պաշտպանության նախարար Դավիթ Տոնոյանը, Ազգային անվտանգության ծառայության տնօրեն Արթուր Վանեցյանը, ԱԺ նախագահ Արարատ Միրզոյանը վաղը կմասնակցեն Արցախում կայանալիք Ազգային անվտանգության խորհրդի նիստին։
Հայաստանից պաշտոնյաների այս խմբով Արցախ մեկնելը վկայում է, որ ԵԱՀԿ Մինսկի խմբի համանախագահների տարածած վերջին հայտարարությունը Հայաստանին և Արցախին կանգնեցրել են դժվարին իրավիճակի առաջ։
Փաստորեն, Նիկոլ Փաշինյանը իշխանության գալուց հետո հայտարարում էր, որ չի պատրաստվում Արցախի փոխարեն բանակցել, քանի որ արցախցիներն իրեն չեն ընտրել, և Արցախը պետք է վերադառնա բանակցությունների սեղանին, իսկ Մինսկի խմբի համանախագահները Փաշինյանին զգուշացնում են բանակցությունների ձևաչափը միակողմանիորեն չփոխելու մասին։
Համանախագահների հայտարարությունն ավելի շատ է ամրացնում բանակցությունների գործընթացում Ադրբեջանի դիրքերը, ինչն ի վնաս է հայկական կողմին։
Ալիևը բանակցությունների ձևաչափի հետ կապված ստացել է Մինսկի խմբի համանախագահների սատարումն, իսկ ադրբեջանական բանակն այսօրվանից լայնամասշտաբ զորավարժություններ է սկսում՝ երկրի նախագահ, զինված ուժերի գլխավոր հրամանատար Իլհամ Ալիևի հաստատած ծրագրով:
Վարժանքները կշարունակվեն հինգ օր՝ մինչև 10 հազար զինվորների, 500 հրասայլի, 300 միավոր հրթիռահրետանային համակարգերի, օդուժի և այլ ծանր զինատեսակների ներգրավմամբ:
Առավել քան ակնհայտ է, որ Արցախում անցկացվող Անվտանգության խորհրդի նիստը ուղիղ կապ ունի Մինսկի խմբի համանախագահների հայտարարության և անցկացվող զորավարժությունների հետ։
ՀՀ վարչապետը հայտնվել է այնպիսի վիճակում, որ չի կարող հրաժարվել Ադրբեջանի հետ բանակցություններից, մյուս կողմից՝ նա չի կարող հրաժարվել նաև Արցախը բանակցային գործընթաց վերադարձնելու իր հայտարարությունից։
Վարչապետ Փաշինյանն Արցախի հարցում հայտնվել է փակուղում, իսկ Արցախյան հարցի՝ փակուղում հայտնվելու հաջորդ քայլը պատերազմն է։
Հ.Գ. Արցախում կայանալու է ոչ թե Արցախի Ազգային անվտանգության խորհդի նիստն, այլ Հայաստանի: Հարց է առաջանում՝ իսկ ի՞նչ հրատապ հարցեր են առաջացել, որոնք պատճառ են դարձել, որ Հայաստանի Անվտանգության խորհրդի նիստն անցկացվի Արցախում։
Մի խումբ երիտասարդներ «Ռոյալ» ակումբում Պզոյին ծեծի են ենթարկել
Հավաքվել ենք, որ մեր գյուղը փրկենք, հետո էլ ամբողջ Հայաստանը. տավուշցի փոքրիկներ (տեսանյութ)
«Քո բոլոր ընկերները սա են նայում, իրենց ընտանիքները սա են նայում, պատկերացնո՞ւմ ես»․ Աննա Հակոբյանը՝...
Որտե՞ղ է սիթքոմներով ապրած ու իր խաղացած կերպարների տակ մնացած Հայկ Մարությանը
Ինչ ցանել ես, այն էլ կհնձես. Ծիծեռնակաբերդում տեղի ունեցած միջադեպից հետո թերեւս, արժե թարմացնել ՔՊ-...
Երևանում 34-ամյա որդին Ավանում սպանել է մորը, ապա գնացել Կիևյան կամուրջ և այնտեղից իրեն ցած նետել
Խմբագիր Անժելա Թովմասյանին ոստիկանները բռնի ուժով փորձում են բերման ենթարկել (տեսանյութ)
Պետական դավաճանություն կատարելու համար հետախուզվում են Վահան Մարտիրոսյանը և Սյուզան Ջաղինյանը
Ինչպես է Աննա Հակոբյանն ինքնամոռաց պարում «Ամառ» ռեստորանում (տեսանյութ)
Երեկոյան հայտարարություն է հնչելու, անակնկալներ են լինելու դրա մեջ. Աբրահամ Գասպարյանը` Տավուշից (տե...
