Մարկեսի գրքի հիման վրա ֆիլմ կնկարահանվի
Ամերիկյան Netflix հեռուստաընկերությունը գնել է Գաբրիել Գարսիա Մարկեսի «Հարյուր տարվա մենությունը» ստեղծագործության հիման վրա հեռուստասերիալ նկարահանելու իրավունքը: Այդ մասին տեղեկանում ենք Cosmo.ru կայքից:
Հեռուստասերիալը կնկարահանվի իսպաներենով, իսկ որպես պրոդյուսերներ հանդես կգան գրողի որդիները՝ Ռոդրիգո Գարսիան և Գոնսալո Գարսիա Բարչան:
Մարկեսի որդու խոսքով՝ իր հայրը չէր ցանկանում վաճառել ստեղծագործության հիման վրա ֆիլմ նկարելու իրավունքները, քանի որ համոզված էր, որ մեկ ֆիլմի մեջ չէր տեղավորվի ստեղծագործության ամբողջ սյուժեն:
Մեկ այլ պարտադիր պայման է եղել, որ ֆիլմն իսպաներենով նկարահանվի: