Արայիկ Հարությունյանի տեղակալն առատորեն օգտվում է Սորոսի «բարիքներից» (ֆոտո)
Արդեն տևական ժամանակ է՝ Հայաստանում մի խումբ մարդիկ լծվել են ՀՀ-ի կրթական համակարգը բարեփոխելու կամ չարափոխելու «սուրբ» գործին:
Ասում են, որ հայաստանյան կրթական համակարգը պետք է ամբողջությամբ փոխել, փոխել դասագրքերի որակն ու դասագրքեր գրել բոլորովին նոր չափորոշիչներով, ազատվել հայ առաքելական եկեղեցու պատմությունից և երեխաներին սովորեցնել աշխարհի կրոնների պատմությունն ու վստահաբար այդ կրոնների շարքում էլ դրական լույսի ներքո ներկայացված աղանդավորական խմբերի պատմությունն ու ծագումնաբանությունը:
Կրթական բարեփոխումներ բոլոր երկրներին են անհրաժեշտ, կրթությունը ևս կենդանի օրգանիզմ է և կարիք ունի հարստանալու և փոփոխվելու նոր չափորոշիչներով, բայց այստեղ կա մի շատ կարևոր բայց...
- Իսկ ովքե՞ր են այդ բարեփոխումների ու չափորոշիչների մասին գոռացողներն ու աջ ու ձախ խոսողները:
- Ինչո՞ւ է ստացվել այնպես, որ Հայաստանի կրթական համակարգով, դասագրքերի չափորոշիչներով անհանգստացած են բացառապես սորոսյան գրանտակեր կառույցներն ու անհատները:
- Ինչպե՞ս է ստացվում, որ կրթությունը փոխելու, հայ առաքելական եկեղեցու դերի նվազեցման, դպրոցում դասավանդվող պատմություն առարկայի, պատմությունը խմբագրելու մասին ամենաշատը խոսում են հենց սորոսականները:
Ստացվում է՝ մեր պետության մեջ, բացի նրանցից, որևէ մեկն անհանգստացած չէ՞, թե ինչ են սովորում մեր երեխաները, ինչպե՞ս են կրթվում, ի՞նչ արժեհամակարգի կրողներ են լինելու, և այդ սուրբ գործին լծվել են միայն սորոսականնե՞րը:
Ասվածի վառ օրինակ է Կրթության և գիտության նախարար Արայիկ Հարությունյանի տեղակալ Արևիկ Անափիոսյանը:
Նա ևս մաս է կազմում սորոսյան վտանգավոր և ազգակործան կառույցի: Նախարարի տեղակալն արդեն հասցրել է օգտվել Սորոսի տված բարիքներից՝ կլորիկ գումար ստանալով, բնականաբար, հատուկ առաքելություն իրականացնելու համար:
Սա է նոր Հայաստանը, որտեղ ամեն ինչ արվում է գրանտների ու Սորոսի միջոցով. սա է իրականությունն անկախ նրանից՝ ով ինչքան բարձր է բղավում դա հերքելու համար:
Այո, անշրջելիորեն Սորոսը ներկա է Հայաստանում, ներկա է տված փողերի և թելադրած ծրագրերի միջոցով: