ԱՄՆ-ն այլընտրանք է առաջարկել Իսրայելին, սակայն Իսրայելը մերժել է այն
ԱՄՆ պաշտպանության նախարար Լլոյդ Օսթինը Իսրայելի պաշտպանության նախարար Յոավ Գալանտին է ներկայացրել Ռաֆահում լայնածավալ ռազմական գործողության այլընտրանքը:
Ամերիկյան PBS հեռուստաալիքի փոխանցմամբ՝ առաջարկը ներառում է, ի թիվս այլ բաների, ճշգրիտ հարվածներ հասցնել ՀԱՄԱՍ-ի առաջնորդներին, վերահսկողություն հաստատել Եգիպտոսի սահմանի վրա, ավելացնել մարդասիրական օգնությունը և թույլ տալ քաղաքացիներին հեռանալ Ռաֆահից։
Այսօր ԱՄՆ Պետդեպարտամենտը հայտարարել է, որ Ռաֆահում ռազմական գործողությունը կհանգեցնի Իսրայելի մեկուսացմանը:
Այս մասին ճեպազրույցում հայտարարել է Պետդեպարտամենտի խոսնակ Մեթյու Միլլերը։
Իսրայելն ավելի վաղ հայտարարել էր, որ վերահսկողության տակ կվերցնի Ռաֆահ քաղաքը, նույնիսկ եթե դա նշանակում է խզել հարաբերությունները Միացյալ Նահանգների հետ:
Այս մասին հայտարարել է Իսրայելի ռազմավարական հարցերի նախարար Ռոն Դերմերը, գրում է The Times of Israel-ը։