Եթե մահանալու ենք՝ հասկանանք, քանի դեռ մի բան ունենք՝ ծախենք, էս երկրից գնանք․ ձկնաբույծ

Մենք ուզում ենք հանդիպել ու պահանջել, որ թափվող ջրերը փակեն, հետո մեզ անցնեն, ասում են՝ չէ, թափվողը պիտի թափվի, ձերը փակենք, լոգիկա չենք տեսնում։ Այս մասին այսօր ձկնաբույծների բողոքի ակցիայի ժամանակ լրագրողների հետ զրույցում ասաց մասնակիցներից մեկը։

«969 ապօրինի հոր կա, փակեք, անցեք մերին»,- ասաց ձկնաբույծը։

Նա հայտնեց, որ եղել են  Շրջակա միջավայրի նախարար Հակոբ Սիմինդյանի մոտ, ներկայացրել խնդիրը․ ընդունելությունից դժգոհ չեն, բայց հանդիպման արդյունքների հետ կախված՝ շատ հարցեր մնացին այդպես էլ անհասկանալի ու չլուծված։

«Սիմիդյանը մեզ նորմալ ընդունեց, բայց 40 տոկոսից ոչ մի տոկոս չեն ուզում շտկում անել։ Ասաց՝ խոսք չեմ տալիս, փորձեմ, 20 տոկոսը փակենք, հետո մյուս 20-ը»։ Էլի բան չի փոխվում, երկու ժամ ժամանակ տանք, երկու ժամ ավելի կքանդվենք, նոր կմահանանք, եթե մենք մահանալու ենք, էսօր մահանանք։ Հասկանանք՝ քանի մի բան ունենք, ծախենք, էս երկրից գնանք»,- ասաց ձկնաբույծը։

Նրանք մեծ հույսեր չեն կապում Սիմիդյանի հետ և վճռել են հանդիպել եթե ոչ վարչապետի, ապա գոնե փոխվարչապետի հետ։