«Իտալիայում մեղք է լինել ոչ միայն ողջ ռուս, այլև մեռած ռուս»․ Միլանի համալսարանը չեղարկել, ապա վերականգնել է Դոստոևսկուն նվիրված դասախոսությունների շարքը
Միլանի համալսարանը չեղարկեց Դոստոևսկուն նվիրված դասախոսությունների շարքը, սակայն հետո որոշեց վերականգնել։ Այս մասին ֆեյսբուքյան իր էջում գրել է գրող, լրագրող Վահան Իշխանյանը։
«Մոլեգնող ռուսաֆոբիան ներխուժելով ամեն բնագավառ ստիպում է յուրաքանչյուրին առնչվել իր հետ, նաև ներխուժել է գրականություն ու դասական գրականություն, և գրողների ու գրական աշխարհի մարդկանց ստիպել դիրքորոշում հայտնել։
Գրական աշխարհում էլ սկսեցին խոսել, երբ Միլանի համալսարանը չեղարկեց Դոստոևսկուն նվիրված դասխոսությունների շարքը։
Միլանի Բիկոկկա համալսարանը չեղարկել էր Գրող Պաոլո Նորիի (Paolo Nori) դասախոսությունները նվիրված Դոստոևսկուն իր 2021-ին հրատրակած «Ֆեոդոր Դոստոևսկու անհնավատալի կյանքը» (Sanguina ancora. L'incredibile vita di Fëdor M. Dostoevskij (Mondadori, 2021) գրքի հիման վրա։ Նորին Ինստագրամում պատմել է որ համակարգիչը միացրել, և համալսարանի նամակն է տեսել, որ պրոռեկտորը ռեկտորի հետ որոշել են հանել Դոստոևսկու կուրսը, որ խուսափեն ամեն տեսակի տարաձայնություններից, հատկապես ներքին, այսպիսի լարված ժամակաշրջանում։
«Այժմ Իտալիայում մեղք է լինել ոչ միայն ողջ ռուս, այլև մեռած ռուս, որն իր կյանքի ժամանակ 1849֊ին դատապարտվել է մահապատժի, քանի որ կարդում էր այն, ինչ արգելքի տակ էր»,- գրել է Նորին։
Իտալիայում բարձրացված աղմուկից հետո հաջորդ օրը Համալսարանը վերանայել է իր որոշումը, ու թույլ տվել դասախոսությունները»,- գրել է Իշխանյանը։