Պաոլո Դիբալան «Յուվենտուս»-ում ցանկանում է տարեկան վաստակել մոտ 12 միլիոն եվրո աշխատավարձ
«Յուվենտուսի» հարձակվող Պաուլո Դիբալան ակումբի հետ քննարկում է մինչև ընթացիկ մրցաշրջանի ավարտը նախատեսված պայմանագրի երկարաձգումը:
Ինչպես հայտնում է Football Italia-ն՝ Il Corriere dello Sport-ին հղումով, բանակցություններում դժվարություններ են ծագել արգենտինացու աշխատավարձի պահանջների հետ կապված:
Հարձակվողը ցանկանում է ստանալ նույնքան գումար, որքան պաշտպան Մաթիաս դե Լիխտը՝ 8 մլն եվրո մեկ մրցաշրջանում, գումարած բոնուսներ, որոնց շնորհիվ գումարը կարող է հասնել 12 միլիոնի:
Նշվում է, որ ներկայումս Դիբալան վաստակում է ավելի քան 9 միլիոն եվրո, ներառյալ բոնուսները: