Գևորգ Փարսյանը՝ Կապանում նոր դիրք հանձնելու մասին
NEWSPRESS.am-ի տեղեկություններով երեկ՝ հունվարի 15-ին, մինչև ժամը 17։00-ն, ժամանակ են տվել Կապանի հայկական կողմի դիրքերից մեկն ազատելու համար։ Մեր աղբյուրի փոխանցմամբ, ասել են, որ այդ դիրքը պետք է հանձնվի ադրբեջանական կողմիմ։
Չբացահայտելով մեր աղբյուրին, միայն նշենք, որ վերջինս սահմանապահ տղաներին հերթական անգամ անհրաժեշտ աջակցություն է տանելիս եղել։ Նրան փոխանցել են, որ իաստ չունի․ «էսա կարող ա մենք էլ իջնենք, մինչև ժամը 5-ը ժամանակ են տվել»,-ասել են սահմանապահ տղաները։
Այսօր՝ հունվարի 16-ին, դիրքի հանձնել-չհանձնելու լուրը որոշեցինք ճշտել Կապանի քաղաքապետ Գևորգ Փարսյանի հետ։
«Տենց բան չկա»,-NEWSPRESS.am-ի հետ զրույցում ասաց Փարսյանը՝ հավելելով, որ այս պահին իրավիճակը նույնն է՝ նոր դիրքեր չեն հանձնվել։ Սակայն նա չմանրամասնեց, թե եղե՞լ են այդ մասին խոսակցություններ, թե՞ ոչ։
Այս մասին դեռևս պաշտոնական ոչ մի հայտարարություն չկա։
Հավելելով միայն, որ սննդից ու զինվորին անհրաժեշտ այլ պարագաներ բացի, դիրք տանելս են եղել նաև տախտակներ ու նյութեր` այն ամրացնելու համար, որոնք այդպես էլ հետ են դարձրել ճամփից։
Հիշեցնենք, որ նախորդ տարվերջին՝ դեկտեմբերի 15-ից հետո ևս դիրքեր հանձնելու խոսակցություններ սկսվեցին, որից հետո Կապանի շահեկան դիրքերը հանձնվեցին թշնամուն։
Նկատենք նաև, որ Փաշինյան-Պուտին—Ալիև վերջին հանդիպման ժամանակ, ըստ շրջանառվող լուրերի, Փաշինյանը համաձայնել է միակողմանի զիջումների և Պուտինից անձնական երաշխիք ստացել՝ իր ընտանիքի անվտանգությունն ապահովելու համար, ինչից հետո նրա ընտանիքը մեկնել է Մոսկվա, իսկ Հայաստանում սկսել են շրջանառվել նոր տարածքների անուններ, որոնք հնարավոր է հանձնվեն Ադրբեջանին։
Արմինե Մկրտումյան