Տնազուրկ դարձնելը՝ որպես «անվտանգության» երաշխիք. Կարոլինա Հարությունյան
Սա ադրբեջանը չէ, սա անգամ մեր գերեվարված Արցախի տարածքը չէ, սա Հայաստանի Հանրապետության տարածքն է (Սյունիք, Գորիս)։
Տարածքային ամբողջականության սկզբունքի մասին իշխանություն կոչեցյալները երբևէ լսե՞լ են։
Սարսափելին այն է, որ ի պաշտոնե անվտանգության երաշխավորը, անվտանգության մասին իր խեղված պատկերացումներն ամպագոռգոռալիս, մեր անվտանգության երաշխիքը տալու մեջ է տեսնում, մինչդեռ անհիշելի ժամանակներից մինչ օրս ողջ աշխարհն իր անվտանգությունն ապահովում է պահելով ու վերցնելով։
Նա չի ուզում հասկանալ, որ հենց տարածքային ամբողջականության սկզբունքի իրագործումն է ապահովում բնակչության անվտանգությունը։ Հիմա էլ Որոտանի բնակիչներին է տնից-տեղից զրկել, ձմեռվա կեսին անտուն ու «անվտանգ» սարքել։
Տվողի անձնական հոգեբանությունը դարձրել են պետական քաղաքականություն ու կործանում են ազգը։
Եվ քանի դեռ հարցաքննության փոխարեն հարցազրույցներ է տալիս, մենք ժամ առ ժամ կորցնում ենք մեր ՀԱՅՐԵՆԻՔԸ, ՀՈՂԸ, ՏՈՒՆԸ, ՊԱՏԻՎԸ, ԿՅԱՆՔԸ...
Կարոլինա Հարությունյան