Եթե Շարժումը չհաղթեց, գազազած ժողովուրդը Նիկոլ Փաշինյանին կհոշոտի. Վազգեն Մանուկյան (տեսանյութ)
1988-ին մեր ժողովուրդն այս հրապարկում հավաքվեց և երդվեց, որ կկառուցի ուժեղ, արդար հասարակություն, ձեռք կմեկնի մեր Արցախի եղբայրներին խոստանալով անվտանգություն և վերամիավորում Հայաստանի հետ: Եվ այդ խնդիրների զգալի մասը կատարվեց:
Այս մասին, այսօր՝ դեկտեմբերի 5-ին, Ազատության հրապարակում «Հայրենիքի փրկության շարժման» հանրահավաքի ժամանակ նշեց «Հայրենիքի փրկության շարժման» վարչապետի թեկնածու Վազգեն Մանուկյանը:
«Մենք կառուցեցինք անկախ պետություն, մենք հաղթեցինք պատերազմում, Հայաստանի և Արցախի բանակները համարվում էին ամենահզորը այս տարածաշրջանում: Մենք Սփյուռքի հետ միասին անընդհատ ավելացնում էինք մեր ազդեցությունը միջազգային ասպարեզում: Հիմա՝ 30 տարի անց, հավաքվել ենք այս հրապարակում՝ վիրավորված արժանապատվությամբ, հսկայական մարդկային, տարածքային կորուստներով և այն ամենը, ինչ արել էինք Արցախի համար, գրեթե կորած, բայց հիմա նույնիսկ Հայաստանի գոյությունն է վտանգի առջև, երբ ադրբեջանցիներն են որոշում Հայաստանի սահմանները՝ մտնելով Հայաստան, և ոչ մի դիմադրությոն չստանալով մեր պետական մարմիններից: Սա է վիճակը, հարմարվե՞նք այդ վիճակին»,-հայտարարեց նա:
Մանրամասները՝ տեսանյութում: