«Եթե ռիսկ անեն` մինչև Հադրութ էլ կտանենք, մինչև Մարտունի էլ». արցախցի կանանց ակցիան` Հայաստանում ՄԱԿ֊ի գրասենյակի դիմաց. VIDEO

Մենք փաստերով ենք այստեղ, իսկ եթե կենդանի փաստեր են ուզում` գնում եմ Ստեփանակերտ, եթե համարձակությունները կների` թող գան ինձ հետ ու իրենց աչքերով տեսնես։ Այս մասին լրագրողների հետ զրույցում ասաց արցախցի Սիրանուշ Սարգսյանը։ Ինչպես նա, այնպես էլ արցախցի մյուս բոլոր կանայք, իրենց երեխաների հետ Հայաստանում ՄԱԿ֊ի գրասենյակի դիմաց պահանջում են ներկայացուցիրներին` համարժեք արձագանք տալ ագրեսիային։

Ակցիայի մասնակիցները վստահեցնում են, որ մնալու են շենքի մոտ այնքան ու այնքան ժամանակ են պահելու շենքը շրջափակման մեջ, քանի դեռ իրենց չեն լսել։

«Իրենց բախտը բերել է, իրենց շրջափակման մեջ են պահելու մեր նման խաղաղ ցուցարարները ոչ թե ահաբեկիչները` ինչպես Արցախում»,- ասաց Սիրանուշ Սարգսյանը:

Նա նաև նկատեց, որ անարդար է, երբ ՄԱԿ֊ի ներկայացուցիչներն արձագանքում են ադրբեջանցիների բողոքներին, իսկ հայկական կողմին անտեսում են։ Սիրանուշ Սարգսյանն անձամբ պատրաստ է տանել իր հետ ՄԱԿ ներկայացուցիչներին, որպեսզի տեղում ականատես լինեն իրավիճակին։

«Եթե ռիսկ անեն` մինչև Հադրութ էլ կտանենք, մինչև Մարտունի էլ կտանենք»:

Ակցիայի մասնակիցներն իրենց հետ նաև պաստառներ էին բերել, որոնց վրա տարբեր լեզուներով գրված էր. «Կույր մի՛ եղեք», «Դադարեցրեք ցեղասպանությունը»,  «Դատապարտեք ագրեսիան» և համանման այլ կոչեր...