Գևորգ Կոստանյանն ու Միհրան Պողոսյանը կոչ են անում դադարեցնել քրեական հետապնդումները` հնարավորություն տալով վերադառնալ և լծվել հայրենիքի պաշտպանությանը
Նախկին գլխավոր դատախազ Գևորգ Կոստանյանը դիմել է ՀՀ գլխավոր դատախազին՝ իր նկատմամբ հայտարարված հետախուզումը վերացնելու և Հայաստան անխոչընդոտ վերադառնալու համար: Այս մասին ֆեյսբուքյան իր էջում գրել է «Մեկ Հայաստան» կուսակցության նախագահ Արթուր Ղազինյանը։
«Ստեղծված իրավիճակում կոչ եմ անում դադարեցնել առերևույթ քաղաքական դրդապատճառներով բոլոր քրեական հետապնդումները և վերացնել հայտարարված հետախուզումները՝ տալով հնարավորություն Հայաստանից հեռացած մեր բոլոր հայրենակիցներին անխոչընդոտ վերադառնալ և ծառայել Հայաստանին և Արցախին»,-գրել է Արթուր Ղազինյանը:
ՀՀ արդարադատության գենարալ-մայոր Միհրան Պողոսյանը ևս հայտարարություն է տարածել, որով իշխանություններին կոչ է անում մի կողմ դնել տարաձայնությունները, դադարեցնել քրեական հետապնդումները՝ հնարավորություն տալով վերադառնալ։
Հայտարարությունը ներկայացնում ենք ստորև․
«Կոչ ՀՀ գործող իշխանություններին
Այսօր վաղ առավոտից Ադրբեջանը Արցախի շփման գծի ողջ երկայնքով սանձազերծել էռազմական գործողություններ։
Ելնելով ստեղծված իրավիճակից,ՀՀ գործող իշխանություններին կոչ եմ անում մի կողմ դնել բոլոր տարաձայնությունները և դադարեցնել տարբեր դրդապատճառներով քրեական հետապնդումներն ու հետախուզումները` հնարավորություն տալով բոլորին վերդառնալ Հայաստան՝ միասնաբարլծվելու հայրենիքի պաշտպանությանը։
Տվե՛ք հնարավորություն միասնաբար դիմագրավել ադրբեջանական լայնածավալ ագրեսիային։
Հակառակորդը մեկն է, ուստի համազգային համախմբումն այլընտրանք չունի։
Նաև կոչ եմ անում իմթիմակիցներին և համախոհներին անհրաժեշտության դեպքում կանգնել մեր բանակի կողքին»։