«Էս բիջը տեսաուղերձ է ձայնագրվել, որտեղ հայերենով համոզում է արցախցիներին, թե ինչքան լավ է լինելու իրենց կյանքը, երբ ադրբեջանցիները վերադառնան Արցախ»
Ռեժիսոր Ռուբեն Մխիթարյանը ֆեյսբուքյան իր էջում գրել է.
«2020 թվականը իրոք մտնելու է պատմության մեջ, որպես Երկիր մոլորակի ամենաանկանխատեսելի ու զարմանալի տարի: Կորոնավիրուս, նավթի գին, 5G-ի շուրջ մուտիտներ, Ծառուկյանի հայկական Լուբյանկա այցելություն և հիմա ուշադրություն՝ թուրք բջի google translate-ի մակարդակով հայերեն լեզվով ուղերձը Արցախի հայությանը:
Ուրեմն էս բիջը ներկայանում է որպես Լեռնային Ղարաբաղի ադրբեջանական համայնքի ընտրյալ ներկայացուցիչ ու որը իրեն հավասարեցնում է իր կարգավիճակով ասենք ԱՀ նախագահ Արայիկ Հարությունյանին (որին իրենք ասենք համարում են Լեռնային Ղարաբաղի հայ համայնքի ընտրյալ ներկայացուցիչ, այլ ոչ թե ԱՆԿԱԽ ՊԵՏՈՒԹՅԱՆ ՂԵԿԱՎԱՐ):
ԵՒ այսպես, էս բիջը 8 րոպեանոց տեսաուղերձ է ձայնագրվել, որտեղ հայերենով համոզում է արցախցիներին, թե ինչքան լավ է լինելու իրենց կյանքը երբ ադրբեջանցիները վերադառնան Արցախ, դե իսկ Արցախն էլ կդառնա նոր Դուբայ երբ վերադառնա Ադրբեջանի կազմ: Ուղերձի ընթացքում այս բիջը մելոդրամատիկ շեղումներով պատմում է թե ինքը ինչքան է կարոտել Շուշին և իր հայ ընկերներին: Սա համառոտ: Իսկ հիմա ըստ էության:
Էս նոր ֆորմատի առաջ քաշելը (ադրբեջանական և հայ համայնքների ընտրյալ ներկայացուցիչներ) թակարդ է, որին հայկական երկու պետությունները պետք է մեկընդմիշտ միասնական մեկ մերժված պատասխան տան ու փակեն էս թեման: Թուրքերի հետ կարող են և պետք է բանակցեն հայկական երկու պետությունների ՕՐԻՆԱԿԱՆ ԸՆՏՐՎԱԾ ԿԱՌԱՎԱՐՈՒԹՅՈՒՆՆԵՐԸ, այլ ոչ թե «ընտրյալ ներկայացուցիչները»: Ինչու՞ 30 տարի գոյություն չունենալով հանկարծ էդ բիջը էդ եզրույթով «մեյդան» էկավ: Որովհետև բանակցային գործընթացում տեղի են ունենում պրոցեսներ, որոնք պետք է սպանել հենց օրորոցում ու ջնջել այս «ռասկռուտկա» լինող թեզը:
Արցախը անկախ պետություն է, այ տղա, հասկացեք վերջապես: Հայերեն խոսելուց էլ էնքան էիր տանջվում, որ պարզ երևում էր, թե թուրքին ինչ դժվար էր մեր լեզվին համակերպվելը: Թուրքին հավատացողը անհուսալի ռոմանտիկ է և ինքնասպանության հակում ունեցող: Թուրքի հետ ուժի լեզուն է ընդհանուրը, այլ լեզու չկա:
Հ.Գ. Մնում է էս տարի այլմոլորակայիններն էլ իջնեն Արագածի վրա ու վերջ»։