Քյարամյանը կհասնի՞ նաև Արցախ
Ազգային անվտանգության ծառայությունը մշտապես եղել է փակ կառույց, որի առաքելությունն է եղել հետախուզությունը, հակահետախուզությունը, երկրի անվտանգության ապահովումը:
Ցանկացած երկրի համար նման կարևորագույն կառույցը երկրի անվտանգության հիմքն է, իսկ Հայաստանի նման երկրում, երբ մի կողմում Ադրբեջանն է, մյուս կողմում Թուրքիան, իսկ երկրի սահմանների 70 տոկոսը փակ է, Ազգային անվտանգության ծառայության գոյությունը դառնում է կենսական անհրաժեշտություն:
Սա մի համակարգ է, որտեղ իրենց ծառայությունն են անցել ստաժավոր գեներալներ ու զինվորական այլ կոչումներ վաստակած մարդիկ, մասնագետներ՝ կարծ ասած՝ ուղնուծուծով ԱԱԾ-ականներ:
Հիմա այս մարդիկ ենթարկվել են սառը ցնցուղի, որովհետև, եթե իրենք 30 տարի պետք է աշխատեին գնդապետ դառնալու համար, ապա հիմա պարտավոր են աշխատել մեկ օրում գնդապետ դարձած Արգիշտի Քյարամյանի ենթակայության ներքո:
Կողքից հայացք գցողի համար տպավորություն է ստեղծվում, որ գործ ունենք Ազգային անվտանգության ծառայությունը նպատակադրված քանդելու քաղաքականության հետ, որովհետև այս համակարգում՝ համակարգից դուրս գտնվող մարդիկ չեն կարող ղեկավար պաշտոններ զբաղեցնել, սա անարգսնք է նախևառաջ համակարագի նվիրյալների նկատմամբ:
Իրեն հարգող որևէ սպա թույլ չի տա վարչապետի անձնական ամբիցիաները բավարարեու համար իր նկատմամբ որևէ նվաստացում:
Արգիշտի Քյարամյանը, որը գործուղվել է Ազգային անվտանգության ծառայություն Նիկոլ Փաշինյանի ականջները լինելու համար, իր առաքելությունն է համարում ծառայության ասեկոսեները Փաշինյանին հասցնելը:
Այդ դեպքում հարց է առաջանում, ո՞վ է զբաղվելու ԱԱԾ-ականի բուն գործառույթներով:
Մի"թե ստիպված ենք հետայսու մեր մաշկի վրա զգալ այդ կարևոագույն ուժային կառույցը բախտախնդիրների ձեռքը տալու հետևանքները:
Հայաստանը կանգնած է լրջագույն մարտահրավերի առաջ, որը երկիրը կեղեքում է ներսից ու դնում պետականության կազմաքանդման հիմքը:
Ուժային նման կարևորագույն կառույցում կատարված այս նշանակումը հերթական անգամ ցույց է տալիս, որ գործ ունենք կոնկրետ ծրագրի հետ, որը մշակվել է դրսում, իսկ այն լավագույնս կատարում է Նիկոլ Փաշինյանը, իսկ հաշվի առնելով այն, որ Փաշինյանի մտադրությունն է նաև Արցախի Ազգային անվտանգության ծառայությունն ու ոստիկանությունը դարձնել իրեն ենթակա, ապա պարզ է դառնում, որ Քյարամյանը պետք է դառնա սուպեր ԱԱԾ տնօերեն և ազդեցության գորտիներ ձևավորի նաև Արցախում:
NewsPress.am